भांगरभूंय | प्रतिनिधी
एके सुवातेरच्यान दुसरे कडेन वचपा खातीर तुमी Google Maps वापरतात? आतां ह्या ऍपांत जायते नवे फिचर्स हाडटा. जाका लागून तुमकां नवो अणभव मेळटलो. हाका लागून पयशे आनी वेळूय वाटावतलो.
गुगल नव्या वर्सा सावन ह्या ऍपांत ’फ्युएल एफिशियंट रूटिंग’ फीचर हाडटा. पूण तेन्ना तें फकत अमेरिका, कॅनडा आनी हेर कांय देशां पुरतेंच मर्यादीत आशिल्लें. आतां गुगल नव्या वर्सा सावन भारतांतूय हें फिचर दितलें.
पर्यावरण वाटावपाक जातली मजत
ह्या फिचराचो फायदो दोन चाकी आनी चार चाकीन प्रवास करपी लोकांक जातलो. ताचे पयशे आनी वेळ दोनूय वाटवतले. जर तुमी विचार केल्यार प्रत्यक्षांत ह्या फिचराचे मजतीन कंपनी तुमकां असो मार्ग सांगतली तातूंत तुमी वचपी थळार ट्रॅफीक आसचें ना आनी तुमच्या वाहनाच्या इंजिना प्रमाण खंयचो मार्ग बरो हें गुगल मॅप तुमकां सांगतलो. एआयचे मजतीन कंपनी तुमकां रस्त्याची उंचाय आनी रहदारी प्रमाण बरो मार्ग सांगतली.
कंपनीन सांगलें, ह्या विशिश्टांचे मजतीन आतां मेरेन २.४ दशलक्ष मेट्रीक टन कार्बनडायऑक्सायड उत्सर्जन उणें केलां. अनवळखी लोकेशन्स समजून घेवपा खातीर कंपनी Google Maps त ‘Address Description’ फीचर जोडटले.
ह्या फिचरा खाला जेन्ना कोण तुमचे वांगडा खंयचेंय लोकेशन शेअर करता तेन्ना कंपनी तुमकां ते सुाते भोंवतणी ५ लँडमार्क आनी नामनेचीं थळां दाखयतले. जाका लागून तुमी त्या लोकेशनाचेर सहज पावतलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
