भांगरभूंय | प्रतिनिधी
नवी दिल्ली, खबरां संस्था ः केंद्रीय दूरसंचार आनी म्हायती तंत्रज्ञान मंत्री अश्विनी वैष्णव हांणी 18 डिसेंबराक दूरसंचार विधेयक 2023 ची दुरुस्ती आवृत्ती लोकसभेंत मांडली. गिरायकांक सिम कार्ड दिवचे पयलीं दूरसंचार कंपनींची बायोमेट्रीक वळख सक्तीची तजवीज ह्या विधेयकांत केल्या.
कंपनींक फायदो….
तशेंच दूरसंचार स्पेक्ट्रमाचें प्रशासकीय वाटप टाळपाची तरतूद ह्या विधेयकांत केल्या, जाका लागून सेवा सुरू करपाक गती मेळटली. रिलायन्स जियो, भारती एअरटेलाची वनवेब आनी एलान मस्कची स्टारलिंक ह्या सारक्या कंपनींक ह्या नव्या बिलाचो फायदो जातलो.
ह्या विधेयकांत ई-कॉमर्स, ऑनलायन संदेश सारकिल्ल्यो ओव्हर द टॉप सेवा दूरसंचार सेवांच्या व्याख्येंतल्यान वगळ्ळ्यात. फाटल्या वर्सा दूरसंचार विधेयकाचो मसुदो मांडलो तेन्ना तातूंत ओटीटी सेवांचोय आस्पाव केल्लो. इंटरनॅट कंपनींनी हे विशीं व्हड बोवाळ केलो. हाचे उपरांत ह्या विधेयकांतल्यान ओटीटीक वगळ्ळा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
