भांगरभूंय | प्रतिनिधी
केंद्रीय भलायकी मंत्र्याची लोकसभेंत म्हायती
नवी दिल्ली, खबरां संस्था ः देशांत कॅन्सराचे दुयेंती वाडत आसात. 2022 वर्सा कॅन्सराचे 14.61 लाख दुयेंती आशिल्ले. 2021 वर्सा 14.26 लाख आशिल्ले. केंद्रीय भलायकी मंत्री मनसुख मांडवीया हांणी लोकसभेंतल्या प्रस्नाक जाप दितना ही म्हायती दिल्या.
2020 वर्सा 13.92 लाख कॅन्सर दुयेंती आशिल्ले अशें तांणी सांगलें. हाचे उपरांत दुयेंतींची संख्या सतत वाडत गेली. देशांत कॅन्सराचेर उपचार करपा खातीर वेगवेगळ्या राज्यांनी आनी संघराज्यांत 39 हॉस्पिटलां उक्तीं केल्यांत अशेंय तांणी सांगलें.
हाचे भायर 22 आयुर्विज्ञान संस्थेनीय (एम्स) उपचार सुरू केल्यात. 13 संस्था राज्य सरकार वरवीं चलयतात. हांतूंत 2 राजस्थान, 4 उत्तर प्रदेश, दरेकी एक संस्था केरळ, पंजाब आनी झारखंडांत आसा. सरकाराच्या आनीक एका प्रस्नाक जाप दितना भलायकी राज्यमंत्री डॉ. प्रवीण भारती हांणी लोकसभेंत सांगलें, 2022 वर्साचे सुरवेक देशांत टीबीच्या दुयेंतींचो आंकडो उणो जाला. पूण उत्तर प्रदेश आनी बिहारांत दुयेंतींची संख्या वाडली. तशेंच 2015 वर्साचे तुळेंत टीबीचे दुयेंती दर एक लाखात 237 आशिल्ले, 2022 वर्सा 16 टक्क्यांनी उणे जावन दर एक लाखात 199 जाले अशें तांणी सांगलें. तशेंच 2015 वर्साच्या तुळेंत मरण येवपाचें प्रमाण 18% उणें जालां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
