भांगरभूंय | प्रतिनिधी
मुंबय, खबरां संस्था: सध्या लोकांक जेवण करपाक बेजार येता वा भायर जेवपाची इत्सा जाता तेन्ना हॉटेलांत वच्चे परस घरांतल्यानूच ऑर्डर दितात. ते खातीर वेगवेगळे अॅप आसात, तातूंतलो एक म्हणल्यार स्विगी. ह्या सगळ्यांत मुंबयच्या एका मनशान ऑनलायन जेवणाची ऑर्डर दिवपाच्या मळार सगळ्यांक फाटीं उडयल्ल्याची म्हायती मेळ्ळ्या. त्या युजरा १०- २० न्हय वट्ट ४२ लाख रुपयांचें जेवण ऑनलायन मागयलां. हाची म्हायती ‘हाव इंडिया स्विगी’ड इन २०२३’ हाचे वरवीं मेळ्ळी. मुंबयच्या एका युजरान अंदूं जेवण ऑर्डर करपाक वट्ट ४२.३ लाख रुपया खर्च केल्यात अशें स्विगीन सांगलें.
अंदूंय बिर्यानी पयल्या नंबराचेर
स्विग्गीक चेन्नय, दिल्ली आनी हैदराबादांतल्या युजरां कडल्यान कडल्यान १० हजारां परस चड ऑर्डरी मेळ्ळ्यात. बिर्यानी पयले सुवातेर आसा आनी ताका सगळ्यांत चड ऑर्डर मेळ्ळ्यात. बिर्यानी हें सगळ्यांत चड ऑर्डर केल्लें जेवण. स्विग्गीचेर २०२३ वर्सा दर सेकंदाक २.५ बिरयानी ऑर्डर जातात. चिकन बिर्यानीची ऑर्डर वेज बिर्यानी परस ५.५ टक्के चड आसा. स्विग्गीचेर अंदूं ४०,३०,८२७ फावटीं बिर्यानी सर्च केल्या. देखून दर पांच ऑर्डरी उपरांत हैदराबादांतल्यान सवी बिर्यानी ऑर्डर मेळटा. अंदूं एका युजरान १,६३३ फावटीं बिरयानी ऑर्डर केल्या. जाल्यार वर्सभर दर चार परस चड दिसांनी बिर्यानी ऑर्डर जाल्या.
नवरात्रांक गुलाब जामुनाची ऑर्डर
गुलाब जामुनांची ७७ लाखां परस चड ऑर्डर आयली. नवरात्रांच्या णव दिसांनी मसाला डोसा हो सगळ्यांत चड ऑर्डर केल्लो जिन्नस.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
