भांगरभूंय | प्रतिनिधी
खुबशे लोक दांत पोखरिल्ल्याची कागाळ करतात. चडशे भुरग्यांचे दांत पोखरतना दिसतात. साकर आशिल्लें जेवण जेवप हें दांत किडपाचें मुखेल कारण मानतात.
चडशा लोकांक जेवणा उपरांत गोड पदार्थ खावपाक आवडटात. दांत पोखरचे न्हय म्हणून तुमच्या आहारा कडेन पयलीं लक्ष दियात. हो प्रस्न फकत दातांचो न्हय तर दांतांचे मावांचोय (हड्डी) जावन आसा. दांत पोखरपाचेर घरगुती उपाय, पोखरिल्ले दांत कशे सारके करचे हाचे विशीं जायते जाण विचारतात. दांतांक कीड लागल्यार दांत फकत दुखना तर पुराय दांत पोखरतात. दांत किडपाचेर कांय घरगुती उपाय हांगा दिल्यात जें रामबाण वखद मानतात.
आयस थेरेपी
पोखरिल्ले दांत दुखपाचे बंद जावपाक जाय जाल्यार कोल्ड कॉम्प्रेस खूब बरें. टॉवेलांत कांय बर्फाचे कुडके गुठलावन ते दुखपी दांताचेर लायात. १५ मिनटां खातीर तीन खेपो तरी हें करात.
गरम उदक
गरम उदका तोंड धुवप हें पोखरिल्ल्या दांतां पसून जावपी दुख उणी करपाक उत्कृश्ठ उपाय जावन आसा. बॅक्टेरिया जावची न्हय देखून दांत घासतना गरम उदक वापरात. पोखरिल्ल्या दांत दुखचे न्हय देखून दांतांची जतनाय घेवप गरजेचें.
गळगळे घेवप
मिठाच्या गरम उदकांत गळगळे घेतल्यार तोंडांतल्यो आनी गळ्यांतल्यो बॅक्टेरिया नश्ट जातात. तशेंच स्वासाचो आनी तोंडांचो येवपी घाणयारो वास सुदारता.
व्हीटग्रास ज्यूस
व्हीटग्रासचो ज्यूस दांतांचे किडे पयस दवरपाक मजत करता. दांत पोखरल्या जाल्यार हो ज्यूस पिवचो. हो ज्यूस दांतांचे भलायके खातीर खूच फायद्याचो.
लसूण आनी कांदो
लसूण आनी कांद्याच्या अँटी- बॅक्टेरियल, अँटी- फंगलाक लागून दुखपी दांतां पसून विसव मेळटा. दांत पोखरिल्ल्यान ते दुखल्यार आमी दुखपी दांताचेर कांदो दवरल्या दुख उणी जावपाक शकता. लसणाची पेस्ट रॉक सॉल्टा वांगडा दांतांक लायल्यार दूख उणी जाता.
हिंग आनी लिंबू
हिंग पावडर आनी लिंबाच्या रोसाची पेस्ट करात. ही पेस्ट मात्शी गरम करून उपरांत ते पेस्टींत कापूस भिजोवन तो दांताचेर दवरल्यार दूख उणी जाता. हो फॉर्मूला रोखडीच दूख उणी करतलो.
लवंग कापूर तेल
लवंगात जंतुनाशक गूण आसतात. ताका लागून दांत दुखपा पसून विसव मेळटा. लवंग तेल लायात वा सरळ लवंग वापरात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
