कॉलेस्ट्रॉल वाडटा? नियंत्रणांत येवपाक ह्यो भाजयो खायात
भांगरभूंय | प्रतिनिधी
तुमची कूड निरोगी उरपाक तुमचे कॉलेस्ट्रॉल सारको आसप गरजेचें. कॉलेस्ट्रॉल वाडल्यार काळजाचो आताक वा काळजाचें दुयेंस सारके रोग जावपाची शक्यताय आसता.
कॉलेस्ट्रॉल हो चरबेचो एक प्रकार. रगतपेशींत कॉलेस्ट्रॉल जमता आनी ताची पातळी वाडत रावता. कॉलेस्ट्रॉलाचे बरे आनी वायट अशे दोन प्रकार आसतात. कुडींत वायट कॉलेस्ट्रॉलाची पातळी वाडटा तेन्ना भलायकेचे प्रस्न सुरू जातात. काळजाचें दुयेंस, तंत्रिका तंत्राचे रोग, काळजाचो आताक, आघात अशे गंभीर रोग जावंक शकतात.
असंतुलीत आहार, शारिरीक हालचाली उण्यो जावप, व्यायाम करप ना ह्या सगळ्यांचो उणाव कॉलेस्ट्रॉल आनीक वाडोवंक शकता. कॉलेस्ट्रॉल चड जावपाचीं स्पश्ट लक्षणां दिसनात. तशेंच, तो रोखडोच वळखूंक मेळना. पूण दिसपट्टो आहार योग्य आनी समतोल आसल्यार कॉलेस्ट्रॉलाची पातळी नियंत्रणांत दवरूं येता. ते खातीर कांय भाजयो तुमच्या सदच्या आहारांत आसपावन घेवपाची गरज आसा.
कॉलेस्ट्रॉल उणें करपी भाजयो
ब्रोकोली – ब्रोकोली ही एक भाजी. हातूंत हाय सोल्यूबल फायबर आसता. हें खाल्यार तुमचो वाडिल्लो कॉलेस्ट्रार उणो जाता. तशेंच ब्रोकोलींत गंधक आसता ताका लागून तंत्र निरोगी उरता. ताका लागून कॉलेस्ट्रोल उणें करपा खातीर ब्रोकोलीचो आहारांत आस्पाव करचो.
मुळो – मुळ्यांत एंटी-इंफ्लेमेटरी आनी एंथोसायनिन व्हडा प्रमाणांत आसता. हें कोलेस्टेरॉल उणें करपाक आदार करता. कॅल्शीयम आनी पोटॅशियम हांचे वांगडा तातूंत अँटी-ऑक्सिडेंटय आसतात. ताका लागून हाय ब्लड प्रेशर नियंत्रणांत उरता आनी काळजाचेे रोग ना जातात.
गाजर – रगतांतलें कॉलेस्ट्रॉल उणें करपाक प्रभावी आसता. तांतले अँटी-ऑक्सिडेंट गुणधर्म काळजाचे भलायकेची जतनाय घेतात. पचन तंत्राक कॉलेस्ट्रॉल सोंसून घेवपा पसून आडायतात. अशे परिस्थितींत तुमच्या आहारांत आस्पावन घेवपाक गाजर ही एक बरी भाजी.
पालक – पांचव्या पानांची भाजी भलायके खातीर खूब फायद्याची. पालक खाल्यार कुडीक बर्या प्रमाणांत जीवनसत्वां आनी खनिजां मेळटात. पालक खाल्यार कॉलेस्ट्रॉलाची पातळी उणी करपाक मजत जाता. कॉलेस्ट्रॉल उणें करपाखातीर पालक पानांचो पांचवो सूप आनी सॅलड खावचें.
बीट – सुपारींत तंतूचे सोल्यूबल आणि इनसोल्यूबल अशे दोनूय प्रकार आसतात. तातूंत नायट्रेटचें प्रमाण खूब बरें आसता. रगतपेशी निवळ करपाक बीट खूब प्रभावी आसता. तशेंच तें कोलेस्टेरॉल उणें करपाचें काम करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
