भांगरभूंय | प्रतिनिधी
म्हालगडे पत्रकार, खेळगडे सिरील डिकुन्हा (91) हांकां काल मरण आयलें. तांच्या मरणाचे गोंय पत्रकार संघटनेन दुख्ख उक्तायलां.
2022 वर्सा खातीर राज्य सरकाराचो टी बी कुन्हा लायफटायम अचीवमेंट पुरस्कार मेळोवपी सिरील हे गोंय खेळां पत्रकार संघटनेचे संस्थापक अध्यक्ष, गोवा युनियन ऑफ जर्नलिस्ट्स, गोवा फुटबॉल असोसिएशन आनी गोवा हौशी एथलेटिक असोसिएशनाचे ते संस्थापक वांगडी आशिल्ले.
गोंयचें इंग्लीश आनी कोंकणी भाशेंतलें पयलें साप्ताहिक ‘द कोंकण मेल’ आनी गोंयचें पयलें खेळां पाक्षिक ‘गोल’ हांचे ते संस्थापक संपादक आशिल्ले. तेभायर विशाल जागृतीचेय संपादक आशिल्ले.
सिरील हांणी नवहिंद टायम्स, टाइम्स ऑफ इंडिया, फ्री प्रेस जर्नल, फायनान्शियल एक्सप्रेस, इंडिपेंडंट ह्या दिसाळ्यां खातीर काम केलां.
गोंयच्या फुटबॉलाच्या इतिहासाचें दस्तावेजीकरण करपी राज्य सरकाराचें प्रकाशन ‘सॉकर आनी गोवा’ हें पुस्तक सिरिलान बरयलां. सिरील हांणी 1967 वर्सा मदुराय हांगा जाल्ले राष्ट्रीय हाॅकी सर्तींत वांटेकार जाल्ल्या गोंयच्या पयल्या हॉकी पंगडाचे ते कॅप्टन आसले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
