भांगरभूंय | प्रतिनिधी
अयोध्या, खबरां संस्था : अयोध्येंत ५०० वर्सां पयलीं आशिल्लें राम मंदीर आतां भव्य स्वरूपांत येवपाचें आसा. ह्या देवळाचें उक्तावण २४ नोव्हेंबर २०२४ दिसा प्रधानमंत्री नरेंद्र मोदी हांचे हस्तुकीं जातलें. २२ जानेवारी २०२४ दिसा देवळाचे गर्भकुडींत रामललाचे प्राणप्रतिश्ठापनेचो अभिशेक करतले. ह्या देवळांत पुजा करपा खातीर २० पुजार्यांची नेमणूक केल्या. ही नियुक्ती मेळिल्ल्यां मदीं लखनौचे मोहीत पांडेय आसा.
दूधेश्वरनाथ मंदीर उत्तर प्रदेशांतल्या गाझियाबाद जिल्ह्यांत आसा. जे उत्तर भारताचे मुखेल मंदीर जावन आसा. ह्या देवळाच्या वाठारांत दुधेश्वर वेदविद्यापीठ आसा. देशभरांतल्यान विद्यार्थी फाटल्या २३ वर्सां सावन हांगा शिक्षण घेवपा खातीर येतात. सध्या हांगा सुमार ७० विद्यार्थी शिक्षण घेतात.
पिठाधीश्वर श्री महंत नारायण गिरी हांणी, भगवान दूधेश्वरांचे कृपेन मोहित पांडे हांची प्रभू रामाची सेवा करपा खातीर नेमणूक जाली. आतां मेरेन हजारांनी विद्यार्थ्यांनी हांगा वेद आनी विधींचें शिक्षण घेतलां. मोहित पांडे हांणी सामवेदाचें शिक्षण घेतलां. उपरांत तिरुपती वेंकटेश्वर वैदीक विद्यापीठांत वचून शिक्षण घेतलां. आचार्य पदवी प्राप्त मेळयल्या उपरांत तो पीएचडीचीय तयारी करता अशें विद्यापीठाच्या आचार्यांनी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
