आधार अपडेट करपाची मुजत परत वाडयली

भांगरभूंय | प्रतिनिधी

जांकां आधार कार्ड अपडेट करपाचें आसा तांचे खातीर एक म्हत्वाची खबर आमी घेवन आयल्यांत. युनीक आयडेंटिफिकेशन ऑथॉरिटीन आधार कार्ड फुकट अपडेट करपाची मुजत परत वाडयल्या. फुकट आधार अपडेट करपाची निमाणी मुजत १४ डिसेंबराक सोंपताली. ती आतां वाडोवन १४ मार्च केल्या.
आधार प्राधिकरण UIDAI न अधिकृत अपडेटींत मुजत वाडोवपाची म्हायती दिल्या. आतां १४ मार्च मेरेन खंयचेंच शुल्क भरिनासतना My Aadhaar पोर्टला वरवीं आधार अपडेट करपाक मेळटा.

इतलें शुल्क लागता
माय आधार पोर्टलाचेर आधार तपशील अपडेट करपाची फुकट सुविधा उपलब्ध आशिल्ली. जर खंयच्याय वापरकर्त्यान आधार केंद्राचेर वचून आधार ऑफलायन अपडेट केल्यार ताका २५ रुपया शुल्क भरचें पडटलें. फुकट आधार अपडेटची सुविधाय फकत ऑनलायनूच उपलब्ध जातली.
वापरकरत्यांक my­adhaar पोर्टल म्हळ्यार https://myaadhaar.uidai.gov.in/ भेट दिवची पडटली. खुबश्या गजालींनी आधार तपशील अपडेट करप गरजेचें.

आधार पोर्टलाक भेट दियात
लॉग इन केल्या उपरांत नांव/ लिंग/ जल्म तारीख आनी नामो अपडेटीचेर क्लिक करात.
Update ­adhaar Online चेर क्लिक करात.
खंयचोय नामो/ नांव/ लिंग तें निवडात आनी फुडें वचात.
अद्ययावत पुराव्याची प्रत अपलोड करात. आजून पयशे भरचे पडचे ना. १४ मार्च उपरांत २५ रुपया भरचे पडटले.
पेमेंट पर्याय पुराय जाताच, एक नवें पृष्ठ उघडटलें, जंय तुमकां संदर्भ क्रमांक मेळटलो.