भांगरभूंय | प्रतिनिधी
नवी दिल्ली, खबरां संस्था : हालींच दिल्ल्या एका अहवाला प्रमाण बीसीसीआयन फाटलें वर्सभर १८,७०० कोटी रुपया जोडल्या. जो संवसारांतल्या क्रिकेटीचे जोडी मदलो वट्ट ८५ टक्के येणावळीचो आसा. आमचो क्रिकेट संघ क्रिकेटींत जरी पयल्या नंबराचेर ना तरी बीसीसीआय मात बरीच फुडें आसा.
क्रिकेटींत आयसीसीक सगळ्यांत चड महसूल भारतांतल्यानूच मेळिल्ल्यान बीसीसीआयन आपसूकच आपलें वर्चस्व स्थापन केलां. क्रिकेटीचें ९० टक्के उत्पन्न भारतांतल्यो मॅची आनी भारताच्या क्रिकेटमोगीं वरवीं मेळटा. ताका लागून भारतीय क्रिकेट संवसारांतलें सगळ्यांत गिरेस्त मंडळ जालां.
एके वेबसायटीन दिल्ले म्हायती प्रमाण, बीसीसीआयची वर्सुकी जोड १९ हजार कोटींच्या लागीं आसा. ही क्रिकेट ऑस्ट्रेलियेच्या उत्पन्नाच्या २८ पट चड आसा. ऑस्ट्रेलियेन वर्सभर ७९ दशलक्ष डॉलर्स (६६० कोटींची) जोडिल्ल्यान ते दुसर्या क्रमांकाचेर आसा. तिसर्या क्रमांकाचेर आशिल्ल्या इंग्लंड क्रिकेट मंडळान ५९ दशलक्ष डॉलर्स जोडल्या. विशेश म्हळ्यार २२ हजार कोटींची जोड धा कसोटी क्रिकेटीचो दर्जो आशिल्ल्या संघांनी केल्ल्यान तांतल्या ८५ टक्के म्हळ्यार वट्ट १९ हजार कोटींचो वांटो बीसीसीआयचो आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
