भांगरभूंय | प्रतिनिधी
कितेंय जाले जाल्यार आमी जायतीं जाणां दोतोरा कडेन वचनासतना पेन किलर घेतात. मेफटल (Meftal) ह्या पेनकिलर संबंदी भारतीय फार्माकोपीया कमिशनान (IPC) अलर्ट जारी केला. हें वखद घेवपी लोकांक तातूंतल्या मेफेनामिक अॅसिडाक लागून दुश्परिणाम जावंक शकतात अशें आयपीसीन सांगलें. ह्या अलर्टात फार्माकोव्हिजिलन्स प्रोग्राम ऑफ इंडिया (पीव्हीपीआय) डेटाबेसांतल्या वखदाच्या दुश्परिणामाचें प्राथमिक विश्लेशण केल्यार इओसिनोफिलिया आनी सिस्टमिक लक्षणा ड्रेस सिंड्रोम दिसून आयलां अशें आयोगान सांगलां.
मीडियाच्या खबरां प्रमाण, ड्रेस सिंड्रोम ही कांय वखदांक लागून जावपी गंभीर ॲलर्जी आसा. कारणां म्हळ्यार कातीचेर फोड येवप, जोर येवप, लिम्फॅडेनोपॅथी हांचो आस्पाव जाता. हें वखद घेतले उपरांत दोन ते आठ सप्तकां मदीं जावंक शकता.
मेळिल्ले म्हायती प्रमाण, मेफटलाचो मुखेल घटक म्हळ्यार मेफेनॅमिक अॅसिड आसा. हें एक वेदनाशामक आसून, स्नायू आनी सांदे दुखप तशेंच मासिक पाळीच्या दुखण्यांतल्यान आराम करपाक वापरतात. हाचे भायर गळो दुखप, मज्जातंतू दुखप आनी स्नायूंची दुखणी हांचे खातीरय ताचो उपेग करूं येता.
मीडियाच्या खबरां प्रमाण, ह्या वखदाच्या दुश्परिणामा विशीं वैजकी तज्ञ म्हणटा, ह्या सिंड्रोमाक लागून आंतकड्यांचे दुयेंस (हिपॅटायटीस, न्यूमोनिटिस, मायोकार्डिटिस, पेरीकार्डिटिस, नेफ्रायटिस आणि कोलायटिस) जावंक शकतात, जाका लागून मरणूय येवंक शकता.
जायत्या प्रकरणांचो ल्युकोसाइटोसिस सयत इओसिनोफिलिया वा मोनोन्युक्लिओसिस कडेन संबंद आशिल्ल्याचें तज्ञांनी सांगलें. ड्रेस सिंड्रोम रोखडेंच वळखुपाक जाय आनी कारणीभूत वखद फाटीं घेवचें अशें तांणी सांगलें. तशेंच वखद जितले बेगीन बंद जाता तितलेच बरें अशेंय तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
