किशोरवयीन चलयांनी आपल्या लैंगीक इत्सांचेर नियंत्रण दवरचें

भांगरभूंय | प्रतिनिधी

कलकत्ता उच्च न्यायालय

नवी दिल्ली, खबरां संस्था ः कलकत्ता उच्च न्यायालयान प्रोटेक्शन ऑफ चिल्ड्रन फ्रॉम सेक्शुअल ऑफेन्सेस अॅक्ट (POCSO Act) ह्या खटल्याचो निकाल दितना, किशोरवयीन चलयांनी आपल्या लैंगीक इत्सांचेर नियंत्रण दवरचें, अशें म्हणलां.
न्यायाधीश अभय एस ओक आनी न्यायाधीश पंकज मित्तल हांच्या सर्वोच्च न्यायालयाच्या खंडपिठान हाचेर हरकत उक्तायल. सर्वोच्च न्यायालयान ह्या निर्णयाक किशोरवयीन कलम 21 ह्या कायद्याचें उल्लंघन अशें म्हणलां. न्यायाधीशान निकाल दितना आपलें मत उक्तावपाचे अपेक्षीत ना, अशें खंडपिठान सांगलें. सर्वोच्च न्यायालयान राज्य सरकाराक नोटीस जारी केल्या. ह्या निर्णया आड अपील जाल्यार ताची म्हायती दिवची अशें न्यायालयान सांगलें.

भुरग्यांक सल्लो दिल्लो

कलकत्ता उच्च न्यायालयाच्या न्यायाधीश चित्तरंजन दास आनी न्यायाधीश पार्थ सारथी सेन हांच्या खंडपिठान एका भुरग्यांक आपले नेण्टे इश्टिणीचेर लैंगीक अत्याचार केल्ल्या प्रकरणांत निर्दोश थारायतना, हे म्हणलां. दोगांय किशोरवयीन भुरग्यां मदीं मोगाचे संबंद आशिल्ले आनी तांचो एकमतान शारिरीक संबंद आशिल्लो.
जिल्लो न्यायालयान पॉक्सो कायद्या खाला त्या भुरग्याक दोशी थारावन 20 वर्सां बंदखणीची ख्यास्त फर्मायली. ह्या निर्णया आड तांणी उच्च न्यायालयांत संपर्क केल्लो. उच्च न्यायालयान भुरग्यांक सल्लो दिल्लो, किशोरवयीन भुरग्यांनी चलयो आनी बायलांचो मान आनी शारिरीक स्वायत्ततेचो आदर करचो.
भुरग्यांक, खास करून चलयांक बरो स्पर्श- वायट स्पर्श, चुकीचे हावभाव, बरी आनी वायट लोकांची सांगातान आनी प्रजनन प्रणाली हांचे विशीं योग्य म्हायती दिवची, अशी कलकत्ता उच्च न्यायालयान पालकांक सुचोवणी दिला. बायलांक मान दिवपाक आमकां शिकवपाक जाय, कारण कुटुंबांत भुरगीं चड आनी सगळ्यांत पयलीं शिकतात.

लैंगिक संबंदाची पिराय उणी करपाची सुचोवणी

लैंगीक गुन्यांवांतल्यान भुरग्यांची राखण करपाच्या कायद्यांतल्या (POCSO) तरतुदीं विशीं उच्च न्यायालयान हुस्को उक्तायला. हांतूत किशोरवयीन भुरग्यांमदीं संमतीनूच शारिरीक संबंद दवरप हो गुन्यांव मानतात. 16 वर्सां वयर पिरायेच्या किशोरवयीन भुरग्यां मदीं एकमतान आशिल्ल्या संबंदाक गुन्यांव थारावपाची सुचोवणी खंडपिठान केल्ली. भारतांत लैंगिक संबंदाची पिराय 18 वर्सां आसा.