भांगरभूंय | प्रतिनिधी
नवी दिल्ली, खबरां संस्था : ‘कॅश फॉर क्वेरी’ प्रकरणांत तृणमूल काँग्रेसीची खासदार महुआ मोयत्राचें संसदचें वांगडीपद रद्द जालां. हे विशींचो थाराव लोकसभेंत आयज दनपरां मंजूर जालो. हे कारवायेक विरोध करपी खासदारांनी सभाघरांत बरोच बोवाळ केलो. महुआ हांच्या समर्थनान सगळे विरोधी खासदार संसद भवना भायर आयले. हातूंत सोनिया गांधी हांचोय आसपाव आशिल्लो.
पयलीं लोकसभेचे आचार समितीच्या अहवालाचेर अर्द वरा परस चड वेळ चर्चा जाली. ह्या वेळार सभापती ओम बिर्ला हांणी मोयत्रा हांकां उलोवपाची संद दिवंक ना. मोयत्रा हांणी समिती मुखार आपलें म्हणणें मांडलां, अशें तांणी म्हणलें.
संसद वांगडी पद रद्द करपा विशीं मोयत्रा हांणी, हांवें अदानीचो मुद्दो मांडिल्ल्यान आपल्याक संसदेच्या वांगडी पदा वयल्यान भायर काडली. एथिक्स कमिटी मुखार आपले आड कसलोच मुद्दो नाशिल्लो. कसलोच पुरावो नाशिल्लो. तांचे कडेन फकत एकूच मुद्दो आशिल्लो तो म्हळ्यार आपणें अदानी विशीं केल्लें उलोवप!
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
