पॅन कार्ड शेणल्यार आतां डावनलोड करात E-PAN

भांगरभूंय | प्रतिनिधी

दरेका अर्थीक वेव्हारा खातीर पॅन कार्ड गरजेचें आसता. जर तुमचें पॅन कार्ड शेणलां जाल्यार आतां तुमी डिजिटल पॅन कार्डूय वापरूं येता आनी तें तुमच्या स्मार्टफोनांतय सेव्ह करुन दवरुंक शकतात.
हाका ई-पॅन म्हण्टात. इन्कम टॅक्स, UTIITSLवा NSDL संकेतथळा वयल्यान डावनलोड करूं येता. ही इलॅक्ट्रॉनीक व्हर्जन जावन आसा.

संकेतथळा वरवीं डावनलोड करचें

तुमी तुमचो मोबायल नंबर आधार कार्डा कडेन जोडला जाल्यार आयकर ई-फायलिंग वेबसायट ही पॅन कार्ड डावनलोड करपाक योग्य पध्दत जावन आसा.

1. सगळ्यांत पयलीं, तुमकां अधिकृत आयकर ई-फायलिंग संकेतथळाक भेट दिवची पडटली.
2. मागीर डाव्या वटेन दिसपी Instant E-PAN चेर क्लिक करात.
3. आतां Check Status/ Download PAN सकयल दिल्ल्या Continue हाचेर क्लिक करात.
4. आतां तुमकां तुमचो 12 अंकांचो आधार क्रमांक घालचो पडटलो. मागीर सकयल दिल्ल्या चेकबॉक्साचेर मार्क करात आनी मागीर Continue चेर क्लिक करात.
5. मागीर तुमच्या आधार कार्डा कडेन जोडिल्ल्या मोबायल क्रमांकाचेर ओटीपी येतलो.
6. मागीर तो OTP घालात आनी Continue चेर क्लिक करात.
7. हाचे उपरांत आनीक एक स्क्रीन दिसतली जातूंत View E-PAN आनी Download E-PAN पर्याय उपलब्ध आसतले. हातूंतल्यान Download E-PAN पर्याय निवडात.
8. मागीर Save the PDF file चेर क्लिक करात. हाचे उपरांत तुमचे ई-पॅन डाउनलोड जातले.

तुमकां ई-पॅन डाउनलोड करपाचो पर्याय दिसना जाल्यार, तुमकां परतून बॅक वचून Get New E-PAN पर्याय निवडचो पडटलो. मागीर दिल्ली प्रक्रिया पाळची. तशेंच, तुमी डाउनलोड केल्ली पीडीएफ फायल पासवर्ड प्रोटेक्टेड आसल्यार, मागीर तुमची जल्म तारीख DDMMYYYY स्वरूपांत पासवर्ड म्हणून घालची.