भांगरभूंय | प्रतिनिधी
भांगरभूंय । प्रतिनिधी
पेडणेः चोपडें हांगच्या श्लोका मनोहर चोपडेकार हाका टोकियो (जपान) हांगा आयोजीत सकुरा सायन्स एक्सचेंज प्रोग्रामा खातीर निवड जाल्या. ह्या म्हयन्याच्या दुसऱ्या सप्तकांत टोकियोंत मेट्रोपॉलीटन ए़डमंट हॉटेलांत सात दीस ही कार्यावळ जातली. देशांतल्यान वट्ट 40 विद्यार्थ्यांची निवड केल्या. तातूंत श्लोका धरून गोंयांतल्या तीन विद्यार्थ्यांचो आसवाप आसा. चोपड्या सारक्या गांवगिऱ्या वाठारांतल्या श्लोका हिची निवड जाल्ले खातीर लोक ताका परबीं भेटयतात. गोमंतक मराठा समाजाच्या पेडणे समितीन श्लोकाची ताच्या घरा वचून भेट घेवंन ताका अर्थीक मजत दिली.
विज्ञान आनी तंत्रगिन्यान मळार जपानान केल्ल्या तरेकवार प्रयोगांची म्हायती विद्यार्थ्यांक दिवंन ताकां विज्ञान, तंत्रगिन्यान विशयांत रुची तयार करून वैज्ञानीक जावपा खातीर तांकां उर्बा दिवप व्हो हे कार्यावळी फाटलो हेत आसा. गोमंतक मराठा समाजाचो अध्यक्ष प्रशांत धारगळकार, सल्लागार गजानन मांद्रेकार, प्रशांत मांद्रेकार, सुनील नायक, चोपडेची पंच वांगडी दीपाली लिंगुडकार, मीलन कामुलकार हांचो मजत दिवपाक गेल्ल्यां मदीं आसपाव आशिल्लो. श्लोका चोपडेकाराक फुडारांतल्या वावरांक येश मेळूं आनी गांवचें नांव वयर काडूं अश्यो शुभेच्छा आमी दिल्यात अशें प्रा. गजानन मांद्रेकारान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
