भांगरभूंय | प्रतिनिधी
भांगरभूंय । प्रतिनिधी
शिवोलीः हडफडें हांगच्या चौरंगीनाथ भूमिका पंचायतन ग्राम देवाची जात्रा आयतार 10 तें बुधवार 13 डिसेबर मजगतीं जातली. त्या निमतान धर्मीक आनी सांस्कृतीक कार्यावळी आयोजीत केल्यात. 10 डिसेंबराक सकाळी 6 वरां सावन धर्मीक विधी जातले. रातयां 9 वरांचेर श्री चौरंगीनाथ भूमिका नाटय़ मंडळ, सिमवाडो हडपडे वतीन “काका किशाचा”.ह्या विनोदी नाटकाचो प्रयोग जातलो. परेश चंद्रमोहन आर्लेकार, यतिश सच्चती पोळ, अर्जुन प्रेमनाथ मालवणकार, आयुष विनोद हडफडकार, वरुण विद्याधर मांद्रेकार, लोकेश चिंता नितेश महादेव सांगेलकार, रमेश राठोड, दिशा नितेश हरमलकार, गायत्री राजेश मालवणकार, अश्विन गुरुदास गोवेकर हांच्यो तातूंत भूमिका आसतल्यो.
सोमार 11 डिसेबराक सकाळीं 6 वरांचेर धर्मीक विधी जातले. साजें 7 वरांचेर भजनाची कार्यावळ रातयां 9 वरांचेर श्रींची इच्छा थिएटर्स, हरमल हाचे वतीन ‘शेवंता जिती हाय‘‘ ह्या नाटकाचो प्रयोग जातलो. मंगळार 12 डिसेंबराक सकाळीं धर्मीक विधी आनी दनपारां 3 वरांचेर भूमिका देवीची पालखी मिरवणूक आनी सुहासिनी कडल्यान ओटी भरप, सांजे 5 वरांचेर चौरंगीनाथ भूमिका भजनी मंडळा वतीन भजनाची कार्यावळ आनी रातयां 9 वरांचेर मुख्यमंत्री डॉ प्रमोद सावंत हांचे हस्तुकीं विद्यार्थी आनी समाज वावुरप्यांचो भोवमान करतले. रातयां 10 वरांचेर दीपस्तंभ पूजा,उपरांत भूमिका देवीची देवळा भोंवतणी प्रदक्षिणा ते उपरांत नटेश्वर दशावतारी नाट्य मंडळ, पिकुळे हाचे वतीन दशावतारी नाटक. बुधवार 13 डिसेंबराक सकाळी धर्मीक विधी सांजे 7.30 वरांचेर ग्रामस्थां वतीन वर्सुकी धर्मीक विधी आनी तीर्थ प्रसादा उपरांत जात्रेचो समारोप जातलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
