भांगरभूंय | प्रतिनिधी
जयपूर, खबरां संस्था: राजपूत करणी सेनेचे राष्ट्रीय अध्यक्ष सुखदेव सिंह गोगामेडी हांचो हांगा गुळयो घालून खून केलो. गोगामेडी हांचेर फारपेट जाल्या उपरांत तांकां मानसरोवर हांगाच्या मेट्रो मास हॉस्पिटलांत दाखल केल्ले. जयपुरच्या श्याम नगर पुलीस स्टेशन वाठारांत ही घडणूक घडली.
सुखदेव सिंह गोगामेडी हांची जयपुरच्या श्याम नगरांतल्या दाना पानी रेस्टॉरंटच्या फाटल्या घरांत दोगांनी गुळयो घालून खून केलो. सुखदेव सिंह हांचे सयत दोग जाणांचेर गुळयो घातल्यो.
हो खून केल्या उपरांत हल्लेखोर भायर सरून थंय आशिल्ल्या एकल्याचेर गुळी घालून ताची मोटार सायकल घेतली. हे घडणुकेक लागून पुराय शारांत नाकाबंदी केल्या. सध्या पुलिसांनी ह्या प्रकरणाचो तपास सुरू केला. एकल्याक धरला अशी खबर मेळ्ळ्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
