भांगरभूंय | प्रतिनिधी
भारतांत आयज ऑनलायन पेमेंट पद्दत सामान्य जाल्या. सध्या देशांतले लोक युपीआय वरवीं पेमेंट करतात. सगळो वेळ पाकीट वा पर्स आपल्या वांगडा व्हरपाची गरज ना. ऑनलायन पेमेंटा खातीर फकत मोबायल फोन आसपाक जाय, जाचे वरवीं तुमी क्युआर कोड स्कॅन करून जाय आशिल्ली रक्कम फारीक करूंक शकतात.
तुमचो मोबायल शेंणलो वा चोरलो जाल्यार कितें जातलें? हाचो केन्ना विचार केला? तर तुमी तुमचो Google Pay, Phone Pay, Paytm आनी UPI ID कसो ब्लॉक करूं येता. फोन शेंणलो काय तो ब्लॉक करूंक ना जाल्यार फोन चुकीच्या हातांत पडूं येता आनी तुमचें खातें पुरायपणान रितें जावपाक शकता.
पेटीएम यूपीआय आयडी कसो ब्लॉक करचो?
पेटीएम बँक हेल्पलायन क्रमांक 01204456456 वयल्यान फोन करचो.
हाचे उपरांत Lost Phone पर्याय निवडात.
हांगा तुमकां सांडलेलो फोन नंबर घालपाचो पर्याय मेळटलो.
मागीर सगळ्या डिव्हायसां वयल्यान Logout पर्याय निवडचो पडटलो.
हाचे उपरांत Paytm संकेतथळार वचून 24×7 मदत पर्याय निवडात.
अशे तरेन तुमी रिपोर्ट अ फ्रॉड वा आमकां संदेश धाडचो पर्याय निवडूंक शकतात.
मागीर पुलिसांच्या अहवाला सयत कांय तपशील दिवचे पडटले.
सगळो तपशील तपासल्या उपरांत तुमचें Paytm खातें तात्पुरतें बंद जातलें.
गूगल पे यूपीआय आयडी कसो ब्लॉक करचो
सगळ्यांत पयलीं 1800 4190157 डायल करात.
उपरांत गिरायक सेवकांक पेटीएम खातें आडावपा विशीं म्हायती दिवची पडटा.
एंड्रॉयड वापरप्यांक पीसी वा फोनाचेर Google Find My Funo हातूंत लॉग इन करचें.
Google Pay डेटा रिमोट डिलीट करचो. हाचे उपरांत तुमचें Google Pay खातें तात्पुरतें आडायतले. तुमी iOS वापरपी आसल्यार, तुमी Find my app आनी Apple अधिकृत साधनां वरवीं सगळो डेटा काडून उडोवन Google Pay खातें आडावंक शकतात.
फोन पे यूपीआय आयडी कसो ब्लॉक करचो
पयलीं 022687 27374 वा 08068 727374 ह्या नंबराचेर फोन करचो.
ज्या मोबायल क्रमांकाक यूपीआय आयडी जोडला ताचे आड कागाळ दाखल करची.
OTP मागल्यार, तुमकां सिम कार्ड आनी डिव्हायस सांडिल्ल्याचो पर्याय निवडचो पडटलो. हाचे उपरांत तुमी कस्टमर कॅरकडेन कनॅक्ट जातले. थंयच्यान तुमी कांय म्हायती दिवन यूपीआय आयडी आडावंक शकतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
