भांगरभूंय | प्रतिनिधी
पेडें, म्हापशेंच्या सर्गेस्त भाऊसाहेब बांदोडकार खेळां संकुलांत इंटरनॅशनल जपानीज कराटे असोसिएशन ऑफ इंडियान आयोजीत केल्ले गोंय राज्य द्वितीय चॅम्पियनशीप सर्तींत धुळेरच्या सेंट फ्रान्सीस झेवियर हायस्कुलाच्या विद्यार्थ्यांनी दोळे दिपकावपी येस मेळयलें.
सर्तींत गोंयांतल्या सुमार 300 स्पर्धकांनी वांटो घेतिल्लो. ही चॅम्पियनशीप सर्त आयजेकेएआय गोंयचे मुखेली सेन्सय महेंद्र नायक (चवथो डॅन ब्लॅक बेल्ट) हाच्या मार्गदर्शनाखाला घेतली.
सर्तींत सेंट फ्रान्सीस झेवियर विद्यालयाच्या विद्यार्थ्यांनी पांच भांगरा पदकां, दोन रुप्या पदकां आनी पांच कांश्या पदकां काटा आनी कुमिटे ह्या गटांत मेळयली. म्हापशेंचे कराटे प्रशिक्षक साईश नारायण राटवडान ह्या विद्यार्थ्यांक प्रशिक्षण दिल्लें.
काटा आनी कुमिटे गटांत भांगरा पदक राशल सेश डिसौझान, रुप्या पदक श्रेजा गांवस, ईशान विश्वकर्मा हाका कुमिटेंत भांगरा पदक, काटांत कांश्या पदक, अहन पिल्लई हाका काटा प्रकारांत भांगरा पदक, जाल्यार कुमिटेंत कांश्या पदक, डॅनिएल लुईसान काटा प्रकारांत भांगरा पदक, कुमिटे प्रकारांत कांश्या पदक जाल्यार हेरंब मावळणकारान काटा आनी कुमिटे हातूंत कांश्या पदक जिखलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
