भांगरभूंय | प्रतिनिधी
न्यूयॉर्क, खबरां संस्था ः फाटल्या कांय वर्सांतल्या ट्रेंडा प्रमाण अमेरिकेंत तरणाटे आनी प्रौढां मदीं धूम्रपान परतून वाडत आसा, असो दावो केल्लो. पूण नव्या अभ्यासा प्रमाण 2011 ते 2022 मेरेन 65 वर्सां आनी ताचे परस चड पिरायेच्या गटांत धूम्रपान उणें जालां.
अभ्यासांतल्यान दिसून येता की 40 ते 64 वर्सां पिरायेचे अमेरिकन लोक चड धूम्रपान करतात, जाल्यार 65 वर्सां आनी ताचे परस चड पिरायेच्या लोकांक हेर पिरायेच्या गटांपरस धूम्रपानाचे व्यसन जावपाची चड शक्यताय आसा. ह्या अभ्यासाचो मुखेल लेखक, व्हँकुव्हरांतल्या बीसी कॅन्सर रिसर्च संस्थेचे ऑन्कोलॉजिस्ट राफेल मेझा म्हणटा जाण्ट्या प्रौढां मदीं धूम्रपानाची वाड जाल्ल्याचे कारण भौशीक भलायकी मोहिमेक उणाव आनी जाण्ट्या प्रौढांचेर ताच्या धोक्यांचेर भर दिवपी कार्यावळींच्या उणावाक लागून आसूं येता. धूम्रपानाच्या भलायकेचेर जावपी परिणामां विशीं भौशीक जागृताय मोहीमेचो उणाव आशिल्लो ते वेळार 65 वर्सां आनी ताचे परस चड पिरायेचे लोक तंबाखू आनी धूम्रपानाचे संपर्कात आयिल्ले.
जी यांग, पूर्व कॅरोलिनाचो जेरोन्टोलॉजिस्ट आनी सहाय्यक प्राध्यापक जी यांग हो ह्या संबंदी एकसुरेपणाक दोश दिता. 2022 वर्सा केल्ल्या अभ्यासांत यांग हांणी एकसुरेपणाक लागून 65 वर्सां आनी ताचे परस चड पिरायेच्या प्रौढां मदीं धूम्रपान वाडटाच, पूण पयलींच धूम्रपान करपी लोकां मदीं दिसपट्टे सिगरेट ओडपाचे प्रमाण वाडला अशें दिसून आयलें.
मध्यम पिरायेच्या धूम्रपान करप्यांनी 6% उणाव
मध्यम पिरायेच्या गटांत नेमान धूम्रपान करपी लोकांचो आंकडो फकत एका दशका परस चड काळांत 21.2 टक्क्यांवयल्यान 15.2% जाला. त्याच वेळार जाण्ट्यां मदीं धूम्रपानाचें व्यसन त्याच काळांत 8.7 टक्क्यां वयल्यान 9.4% मेरेन वाडलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
