भांगरभूंय | प्रतिनिधी
भांगरभूंय । खबरां मेज
पणजीः गोंय कला अकादमीची 9बी ब गट तियात्र सर्त फुडल्या जानेवारींत जातली. तातूंत वांटो घेवपाची प्रक्रिया सुरू केल्या. सर्तींत वांटो घेवपाची निमणी तारीख 12 डिसेंबर सांजे 4 मेरेन आसा. सर्तीचे नवे नेम आनी प्रवेश अर्ज कला अकादमीच्या पोरणे सचिवालय कार्यालयांतल्या रिसेप्शन कांवटराचेर मेळटात. 12 डिसेंबर मेरेन सकाळी 10 तें 1 आनी दनपारां 2 तें 4 मेरेन कामाच्या वेळार प्रवेश अर्ज स्विकारतले.
सर्तींत वांटो घेवपी संस्थानी प्रवेश अर्जा वांगडा तांचे सोसायटी रजिस्ट्रेशन कायद्या खाला केल्ल्या रजिस्ट्रेशन, नूतनीकरणाचें प्रमाणपत्र जोडपाक जाय. प्रवेश अर्जां वांगडा 500 रुपया प्रवेश फी आनी सुरक्षा रक्कम म्हणून 5 हजार रुपये जमा केल्ले आसपाक जाय. तियात्र सादरीकरणाच्या पांच दीस पयली आपली प्रवेशिका फाटी घेतले तांका सुरक्षा रक्कम परत मेळटली. सर्तीचो ड्रॉ 12 डिसेंबराक सांजे 5 वरांचेर कला अकादमीच्या पोरण्या सचिवालयांच्या कार्यालयांत काडटले. नेमांत बसनात त्या संस्थाचे प्रवेश अर्ज स्विकारपाचो वा न्हयकारपाचो अधिकारी कला अकादमीन राखून दवोरला.
चडावत म्हायती खातीर कार्यावळ उदरगत विभाग, कला अकादमी, पोरणे सचिवालय हाचे कडेन 2420452/53 ह्या फोन नंबराचेर सोमार ते शुक्रार मेरेन कामाच्या वरांत संपर्क सादचो अशें कळीत केलां. संस्थानी आपल्यो प्रवेशिका 12 डिसेंबर मेरेन सादर करच्यो अशें आवाहन कला अकादमीन केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
