भांगरभूंय | प्रतिनिधी
पासपोर्ट हो फकत म्हत्वाचो दस्तावेज न्हय तर भारता भायर हेर खंयच्याय देशांत वचपाकूय तो गरजेचो. आतां अचकीत दुसर्या देशांत वचचें पडलें आनी पासपोर्ट ना जाल्यार काळजी करची न्हय, सरकारान तुमकां रोखडोच पासपोर्ट मेळपाची सुविधा उपलब्ध केल्या.
इंस्टंट पासपोर्ट म्हणल्यार कितें आनी ताचे खातीर अर्ज कसो करचो? ताची म्हायती घेवया.
असो करात अर्ज
पासपोर्ट सेवेच्या अधिकृत सायटीचेर वचात आनी नोंदणी करात
नोंदणी केल्या उपरांत, आयडी आनी पासवर्ड वापरून लॉग इन करात.
उपरांत तुमकां फ्रेश आनी री- इश्यू असे दोन पर्याय मेळटले, फ्रेश पर्याय निवडात.
उपरांत, तुमकां येवजणेच्या प्रकारांतील पर्याय निवडचो पडटलो.
पर्याय निवडल्या उपरांत, फॉर्म डाउनलोड करात आनी फॉर्म ऑनलायन भरात
उपरांत तुमकां पेमेंट करचो पडटलो. पेमेंट केल्या उपरांत पावतीची प्रिंट घेयात.
पयशे भरल्या उपरांत लागींच्या पासपोर्ट सेवा केंद्राचेर भेट घेवपाची वेळ बुक करात.
कितले पयशे जाय पडटले?
passportindia.gov.in च्या म्हणण्या प्रमाण ३६ पानांच्या इन्स्टंट पासपोर्टा खातीर अर्ज करपी खंयच्याय व्यक्तीक ३५०० रुपया शुल्क भरचें पडटलें. दुसरे वटेन ६० पानांचो इन्स्टंट पासपोर्टाक ४००० रुपया खर्च येतलो.
हीं कागदपत्रां गरजेचीं
मान्यताय मेळिल्ले संस्थेचें आधार कार्ड, पॅन कार्ड, विद्यार्थी आयडी कार्ड, जल्म प्रमाणपत्र, रेशन कार्ड, मतदार आयडी कार्ड, वाहन चालक परवानो आनी बँक/पोस्ट ऑफीस पासबूक. ह्या कागदपत्रांतले खंयचींय दोन वा तीन कागदपत्रां तुमकां जाय पडटलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
