भांगरभूंय | प्रतिनिधी
भांगरभूंय। प्रतिनिधी
वास्कोः हांगच्या श्री दामोदर बोगदेश्वर दिंडी पंगडान दिंडी सम्राट बाबू गडेकार हाच्या मार्गदर्शना खाला 600वी दिंडी मडगांवांत सादर केली. मडगांवच्या हरिमंदिरांत जाल्ले एके कार्यावळींत मडगांवचो आमदार आनी आदलो मुख्यमंत्री दिगंबर कामत हाचे हस्तुकीं गडेकार हाचो शाल, श्रीफळ आनी यादस्तीक दिवंन भोवमान केलो.
गडेकार हांच्या फुडारपणा खाला दामोदर बोगदेश्वर दिंडी पंगडान गोंय तशेंच शेजारच्या राज्यांत दिंडी सादर केल्यात. हालींच पंढरपूर हांका तांणी आपली दिंडी सादर केल्ली. मडगांव दिंडी निमतान श्री हरी मंदिरांत सुरू जाल्ली दिंडी श्री दामोदर साल हांगा फातोडेर 5 वरांचेर सोपली. अनिल पंडित, मयांक पंडित, प्रदीप मांद्रेकार, समीर गडेकार, रजत तिरोडकार, राघवेंद्र सूर्या नायक, अमन सावंत, राहुल पार्सेकार, गौरव वेंगुर्लेकार, यश पालव, राकेश नायक, दर्शन सोपटे, रामा पेडणेकर आनी सागर निरावडेकार हांणी पखवाज साथ आनी बाबू गडेकार, प्रदीप दाभोलकार, शीतल पालेकार हांणी सहगायक म्हणून साथ दिली.
बाबू गडेकार जे आत्मयतेन दिडीं सादर करता ताची दिगंबर कामत हाणे तुस्त केली. गडेकार हाचे दिंडीक लागून वातावरण भक्तिमय जावन आंगात एक वेगळीच स्फूर्त येता अशे ताणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
