भांगरभूंय | प्रतिनिधी
आधार कार्ड हो एक म्हत्वाचो दस्तावेज. हाचे बगर खुबशीं कामां जायनात. मागीर तें खातें उघडप आसूं वा शाळेंत भुरग्यां खातीर कागदपत्रां जमा करप आसूं. आधार कार्ड सगळे कडेन गरजेचें. जर तुमकांय आधारकार्डांत तुमचो फोटो अपडेट करपाचो आसल्यार तुमकांय कांय म्हत्वाच्यो गजाली खबर आसपाक जाय.
UIDAI प्रमाण, जर खंयचेय व्यक्तीक आधारांत नांव, पत्तो, जल्मतारीख, ईमेल आयडी बदलपाचें आसल्यार ते खातीर आधार केंद्रांत वचपाची गरज ना. पूण अशीं कांय कामां आसात जांकां पुराय करपा खातीर बायोमेट्रिक्स वरीं बोटांचे ठशे गरजेचे आसतात. अश्या कामां खातीर आधारसेवा केंद्रांत वयचें पडटा.
एक गजाल लक्षांत घेवपा सारकी आसा आनी ती म्हळ्यार आधारांत फोटो अपडेट करपाची सुविधा ऑनलायन उपलब्ध ना, सोपे भाशेंत हाचो अर्थ, तुमी घरा बसून आधारांत फोटो अपडेट करपाक शकनात. पूण आधार केंद्राक भेट दिवचे पयलीं तुमकां हें कांय म्हत्वाचें काम घरा बसून करचें पडटलें.
हें करात
UIDAI ची अधिकृत सायट uidai.gov.in चेर वचात, उपरांत आधार नोंदणी फॉर्म डावनलोड करात.
हो फॉर्म घराच भरात, फॉर्म भरल्या उपरांत लागींच्या आधार केंद्राचेर वचात.
आधार सेवा केंद्राक भेट दिल्या उपरांत तुमचे बायोमेट्रीक तपशील अपडेट करतले.
नवे फोटो अपडेट करपा खातीर आधार सेवा केंद्राचेर गेल्या उपरांत तुमकां कांय शुल्क भरचें पडटलें.
फोटो अपडेट रिक्वेस्ट सबमीट केल्या उपरांत तुमकां एक स्लिप मेळटली.
हे स्लिपींत तुमकां URN (अपडेट रिक्वेस्ट नंबर) मेळटलो, ह्या नंबरा वरवीं तुमी UIDAI च्या अधिकृत सायट वरवीं तुमचो आधार अपडेट जाला काय ना हें जाणून घेवपाक शकतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
