भांगरभूंय | प्रतिनिधी
नवी दिल्ली, खबरां संस्था ः राष्ट्रपती आनी मंत्रीमंडळा मदलो संवाद आतां खंयच्याच न्यायालयांत पुरावो म्हणून सादर करपाक मेळचो ना. ही नवी तरतूद भारतीय पुरावो संहितेंत करतले. ही संहिता 150 वर्सां पोरण्या भारतीय पुराव्या कायद्याचे सुवातेर येता. राष्ट्रपती आनी मंत्रीमंडळ हांचे मदलो संवाद गोपनीय दवरपाचो मुद्दो संविधानांत मांडिल्लो, पूण कायद्यांत तजवीज नाशिल्ली.
कायदो तज्ञ म्हणटात, संविधान हो कायदो न्हय. संविधानाचो अर्थ कायद्या वरवीं घडणुकेची भावना व्यक्त करप. अशा वेळार पुरावो संहितेच्या कलम-165 प्रमाण खंयचेय न्यायालय मंत्री आनी राश्ट्रपती हांचे मदलो खंयचोय संवाद पुरावो म्हणून सादर करपाक मेळचो ना अशी वेगळी तरतूद आसा.
कलम-165 न्यायालयांत कागदपत्रां सादर करपा विशीं आसा. न्यायालय साक्षीदाराक ताचे कडल्यान कागदपत्रां सादर करपाक सांगूं येता, पूण राष्ट्रपती आनी मंत्र्यां मदलो संवाद सादर करपाक सांगूं शकना. तज्ञांच्या मतान पोरण्या कायद्यांत अशी वेगळी तरतूद नाशिल्ली. पूण संविधानाच्या कलम 74 (2) प्रमाण असो संवाद जाहीर करचो न्हय. आतां ह्यो भावना कायद्याच्या तरतुदींतल्यान दिसतल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
