भांगरभूंय | प्रतिनिधी
भांगरभूंय । प्रतिनिधी
सांगेंः सांगें आनी केंपें तालुक्यांतल्यो शाळा आनी हायस्कूल विद्यार्थ्यां खातीर शेनवार 2 डिसेंबराक कुडचडें हांगच्या खेळां संकुलांत भगवद्गगीता पठणाची कार्यावळ जातली. विद्यार्थी आनी शिक्षक मेळून चार हजारांची उपस्थिती ह्या वेळार आसतली. वट्ट बारा शाळांतले विद्यार्थी हे कार्यावळींत वांटेकार जातले अशी म्हायती चिन्मय तानशिकारा हाणे दिली.
संस्कृत भारती गोंय वर्ती ही कार्यावळ आयोजीत केल्या. कुडचडें खेळां संकुल मैदानार सकाळी 8.45 तें 11 हे मजगतीं ही कार्यावळ जातली. विद्यार्थ्यांक गीता समजची, श्लोक पाठ जावचे. तांच्या उच्चारान उच्चारण शुद्ध जावचें व्हो ही कार्यावळ आयोजीत करपा फाटलो हेत आसा. कार्यावळीत गीतेचो बारावो आनी पंदरावो अध्याय पाठ केल्लो आसपाक जाय. विद्यार्थ्यांनी व्हडा संख्येन कार्यावळींत वांटेकार जावचें अशें आवाहन संस्कृत भारती गोंयची गीतामृतम कार्यावळीची आयोजिका सिया साठे हिणे केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
