भांगरभूंय | प्रतिनिधी
नवी दिल्ली, खबरां संस्था : देशांतलें कोरोना व्हायरसाचें संकश्ट सोंपता थंय आसा. चिनांत नव्या दुयेंसान तकली वयर काडल्या. फाटल्या कांय दिसां सावन चिनाच्या उत्तर भागांत न्युमोनिया सारको जोर येवपाच्यो कागाळी वाडत आसात.
देखून सगल्या देशांनी ह्या प्रकरणांत हुस्को उक्तायला. हे फाटभुंयेर केंद्र सरकारान आयतारा राज्य सरकाराक आनी केंद्रीय प्रदेशांक सादूर रावपाच्यो सुचोवण्यो जारी केल्यात.
सगल्या राज्यांक हॉस्पिटल वेवस्थेचो नियाळ घेवपाचे निर्देश केंद्रीय भलायकी मंत्रालयान दिल्यात. खासा करून चिनांत सुरू जाल्लो हो रोग भुरग्यां मदीं चड पातळिल्ल्यान सादूर रावपाची सुचोवणी दिल्या. तशेंच भलायकी मंत्रालयान जिल्ह्याक तशेंच हेर सरकारी हॉस्पिटलांक इन्फ्लूएंझा सारकें दुयेंस आनी खर विकार आशिल्ल्या दुयेंतींचेर खाशेलें लक्ष दिवपाची सुचोवणी दिल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
