भांगरभूंय | प्रतिनिधी
पित्त आनी कोठ्याची पिडा (बद्धकोश्ठता) ह्यो समस्या सध्या सामान्य जाल्यात. खावपाच्यो चुकीच्यो संवयी आनी शरिरीक हालचालींचो उणाव हाका लागून त्यो वाडतूच आसात. बद्धकोश्ठता चड काळ उरल्यार मूळव्याध जावपाचो धोको आसता. ताका लागून बद्धकोश्ठता आनी गॅसचे समस्येचेर योग्य वेळार उपचार करप गरजेचें. कांय लोक वरांचींवरां टॉयलेटींत बसतात. पूण तांचें पोट नितळ जायना. हेंय बद्धकोश्ठतायेचें लक्ष आसपाक शकता.
बद्धकोश्ठता पयस करपा खातीर वखदां घेवपा वांगडा जेवणा खाणाचीय जतनाय घेवपाची गरज आशिल्ल्याचें भलायकी तज्ज्ञ सांगतात. विशेश म्हळ्यार जेवणांत सुरणाचे भाजयेचो आसपाव करात. ताका लागून कोठ्याची पिडा टाळूं येता. आतां जाणून घेवया सुरणाची भाजी कितली फायद्याची.
सुरणांत जायते तरेचे पुश्टीक घटक आसतात. हातूंत कॅल्शियम, आहारांतलो फायबर, पोटॅशियम आनी मॅग्नेशियम आसता. जें तुमच्या शरीराक पुश्टीक थारता. अशे तरेचो आहार केल्यार बद्धकोश्ठतेच्या वेळार आतड्यांची समस्या सोडोवं येता. हाचे वांगडा दूख आनी सूज हाचे पसूनय विसव मेळटा. आयुर्वेदांतूय सुरणाचे जायते फायदे सांगल्यात. तशेंच बद्धकोश्ठतेच्या समस्येचेर हळदूय खूब फायद्याची. हळदेंत कर्क्यूमिन आनी अँटीऑक्सिडंट्स मेळटा. जें ऍसीड रिफ्लक्स आनी मिरमिरप उणें करून पचनांत मजत करता. हळदीचो च्या पिल्यार पोट साफ जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
