भांगरभूंय | प्रतिनिधी
2023 वर्सांत भारतांत विकिल्ल्या 99.2% फोन ‘मेड इन इंडिया’
नवी दिल्ली, खबरां संस्था ः फाटल्या 9 वर्सांत देशांत मोबायल फोनाचें उत्पादन 20 पटींनी वाडले. इलॅक्ट्रॉनिक्स आनी म्हायती तंत्रज्ञान मंत्री अश्विनी वैष्णव हांणी शेनवारा, 25 नोव्हेंबराक मोबायल उत्पादन नियाळ बसके उपरांत सोशल मिडिया प्लॅटफॉर्म एक्स (ट्विटर) चेर पोस्ट करून ही म्हायती दिल्या.
मोबायल फोन आयात करपाचेर भारताचें अवलंबन आतां व्हड प्रमाणांत उणें जालां अशें केंद्रीय मंत्र्यान सांगलां. 2014 वर्सा भारतीय मोबायल उद्देग 78% आयातीचेर अवलंबून आशिल्लो. म्हळ्यार देशांतले 78% मोबायल फोन भायल्यान विकत घेवचे पडटाले. 2023 वर्सा भारतांत विकिल्ल्या 99.2% फोनांचेर ‘मेड इन इंडिया’ ब्रँडींग आसतलें अशें तांणी सांगलें.
जुलय- सप्टेंबर तिमाहींत व्हड प्रमाणांत 4.3 कोटी स्मार्टफोन विकले
जुलय- सप्टेंबर तिमाहींत देशांत 4.3 कोटी स्मार्टफोन विकले. बाजार संशोधन कंपनी कॅनालिसच्या म्हणण्या प्रमाण दुसऱ्या तिमाहींत सॅमसंग कंपनीन 18 टक्के बाजारांतलो वाटो घेवन पयल्या क्रमांकाचेर पावल दवरलां. ह्या काळांत कंपनीन भारतीय बाजारांत 79 लाख स्मार्टफोन विकले.
त्याच वेळार फाटल्या तिमाहींत शाओमीन (Xiaomi) 76 लाख स्मार्टफोन ठोक विक्री केरुन बाजारांतल्या वांट्याच्या मळार दुसरे सुवातेर आसा. मजगतीं, 72 लाख स्मार्टफोन विक्री करून विवो (Vivo) तिसऱ्या क्रमांकाचेर, रियलमी (Realme) 58 लाख ठोक विक्री करुन चवथ्या क्रमांकाचेर आनी ओप्पो (Oppo) 44 लाख ठोक विक्री करुन पांचव्या सुवातेर आसा.
गूगल भारतांत पिक्सेल फोनांचें उत्पादन सुरू करतले
सॅमसंग, शाओमी, ऍपल, ओप्पो, व्हिव्हो, रियलमी, वनप्लस सयत जायते परकी स्मार्टफोन निर्माते भारतांत स्मार्टफोन तयार करतात. हालींच गूगलानय पिक्सेल फोन भारतांत तयार करतले अशें जाहीर केलां. हाचे उपरांत भारतांत विकपी आयफोना वांगडाच गूगल पिक्सेल सारकिल्ले प्रीमियम स्मार्टफोनूय भारतांत तयार जातले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
