भांगरभूंय | प्रतिनिधी
स्मार्टफोनांतलें सिम कार्ड हें गिरायकाची वळख. सिम कार्डाक लागून वापरप्यांक हक्काचो मोबायल क्रमांक मेळटा. आतां गिरायकांक ई-सिम उपलब्ध करून दितले. आतां सिम कार्डाचे सुवातेर ई-सिम येवपाचो आसा आनी आतां ई-सिमाचो काळ सुरू जातलो अशें एका कंपनीच्या सीईओन सांगलां.
एअरटेल कंपनीचे एमडी गोपाल विठ्ठल हांणी ई-सिमाचे फायदो सांगून गिरायकांक ई-सिम निवडपाचो सल्लो दिला. गोपाल विठ्ठल हांणी ई-सिमाच्या फायद्या विशीं ई-मेल धाडलां. चोरी जाल्यार ई-सिम उपेगी पडूं येता असो उल्लेख तांणी केला. चोरांक तुमच्या मोबायलातले ई-सिम काडपाक मेळचें ना आनी हें खाशेलें खाशेलपण तुमचो चोरिल्लो फोन ट्रॅक आनी ई-सिमा वरवीं फोन परत मेळोवपाक सोंपें करतलें. तशेंच ई-सिम सर्पोट करपी खंयच्याय डिव्हायसाचेर हे सिम वापरूं येता. एअरटेल वापरप्यांक आपलें सिम कार्ड ई-सिमांत बदलपाक जाय जाल्यार एअरटेल थँक्स ॲप वरवीं ही प्रक्रिया करची अशें तांणी सांगलें.
ई-सिम आयफोन 12 खातीर लोकप्रिय जाले. अॅपलान आयफोनांत ई-सिम आनी नॅनो सिम अश्या दोन सिमाची सुविधा दिलां. हें उपरांत सॅमसंग, वनप्लस, मोटोरोला ह्या हेर कंपनींनीय ई-सिम आशिल्ले मोबायल फोन सुरू करपाक सुरवात केली.
ई-सिमाचे फायदे
एअरटेलाचे सिम ई- सिमांत बदलल्यार वापरप्यांक फोनांत नवे बदल दिसतले. वापरप्यां खातीर सगळें सुरक्षीत करपा खातीर ई- सिम तयार केला. एअरटेल सिम कार्डा बदला ई- सिम स्वीकारून तुमी लोकां कडेन खूब सोंपेंपणान जोडूंक शकतात आनी तशेंच फोन शेंणल्यार वा चोरी जाल्ल्यार परत मोळोवन दिवपाक ई-सिम मजत करूंक शकता.
ई- सिम म्हणल्यार कितें?
ई- सिमाक एम्बेडेड सिम अशेंय म्हण्टात. हे डिजिटल सिम डिव्हायसांत एम्बेड करतात. फिजिकल सिमा परस वेगळें आसा, ताका डिव्हायसाच्या सिम स्लॉटांत घालपाची गरज ना. ते डिव्हायसांत एम्बेड करतात. हातूंत एक सॉफ्टवॅर आसता, जें खंयच्याय डिव्हायसाच्या ईयूआयसीसी (eUICC) चिपाचेर इन्स्टॉल केल्लें आसता.
देखून एअरटेलाचे एमडी गोपाल विठ्ठल हांणी वापरप्यांक ई- सिमाची निवड करची असो सल्लो दिलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
