भांगरभूंय | प्रतिनिधी
भांगरभूंय । खबरां मेज
पणजीः सम्राट क्लब कपिलेश्वरी हांची अदूंची वर्सुकी रांगोळी सर्त बुधवरा 29 नोव्हेंबराक दनपारां 3.30 ते सांजे 6.30 मजगतीं कपिलेश्वर देवस्थान सभाघरांत जातली.
सर्त कवळें, तळावली, दुर्भाट आनी बांदोडें पंचायत वाठारांतल्या माध्यमीक विद्यार्थ्यां खातीर आसा. दरेक विद्यालयान एक सर्तक धाडपाचो आसा. रांगोळी घालपाक एक मीटर सुवात आसतली. विद्यार्थ्यांनी दनपारां 3 वरांचेर आपलें रांगोळी सामान घेवंन सर्तीचे सुवातेर हाजीर रावचें पडटलें.
सर्ती खातीर हजार, 750 आनी 500 अशीं इनामां आसात.दरेका सर्तकाक दोनशें रुपये आनी प्रशस्तीपत्रक दितले. सर्तकांनी आपलें नांव, पत्तो, विद्यालयाचें नांव आनी फोन नंबर 27 नोव्हेंबर मरेन भांगरा महोत्सवी वर्साचो अध्यक्ष, दिवाकर शिंक्रे, कपिलेश्वरी हांचे कडेन 9890639994 ह्या नंबराचेर संपर्क सादून दिवची वा सुधाकर नागेशकार (9421243106), बोकडबाग, बांदोडें हांचे कडेन दिवची अशें प्रशांत चिमुलकार आनी अनिता तारी हांणी कळीत केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
