भांगरभूंय | प्रतिनिधी
भांगरभूंय । प्रतिनिधी
दिवचलः तानोडीवाडो- पिर्ण हांगच्या राष्ट्रोळी ब्राह्मण संस्थे वतीन विठोबा लक्ष्मीनारायम म्हालकार पुरस्कृत अखील गोंय चित्रकला आनी रांगोळी सर्त आयतार 3 डिसेंबरांक राष्ट्रोळी ब्रम्हण सभा माटवांत जातली. सर्तकांक 1 डिसेंबर मेरेन सर्तींत वांटो घेवपाक मेळटलो.
चित्रकला सर्त सकाळीं 10 वरांचेर सुरू जातली. सर्तकांक दोन वरां मेळटलीं. तीन गटांत ही सर्त घेतले. आठ वर्सा पिराये सकयल्ल्या गटांत म्हजें आवडटे कार्टून काडचें पडटलें. 9 तें 13 वर्सा पिरायेच्या गटा खाती सैम वाटयात, गोंय वाटयात ह्या विषयाचेर चित्र काडचें पडटलें. 14 वर्सा वयल्या गटा खातीर गोंयांतली इतिहासीक थळां ह्या विषयाचेर चित्र काडटें पडटलें. ह्या गटा खातीर 5 हजार, 3 हजार आनी 2 हजार रुपयांची पयलीं तीन इनामां आसतली. एक हजार रुपयांची दोन उमेद वाडोवपी इनामां आसतलीं. सर्तकांक आपलें चित्रकला साहित्य हाडचें पडटलें. आयोजत नियोजीत आकाराचो पेपर दितले. सर्तकांक जल्मतारीख प्रमाणपत्र दिवप सक्तीचें आसतलें.
रांगोळी सर्त दनपारां 3 वरांचेर सुरू जातली. सर्तकांक तीन वरां मेळटलीं. गोंयांतले सण उत्सव हो रांगोळी घालपाचो विषय आसतलो. सगल्या पिरायेच्या सर्तकांखातीर तशेंच बायल आनी दादल्या खातीर ही सर्त उक्ती आसतली. रांगोळी पुस्तकां वा छापील कागदाचो वपर करपाक मेळचो ना. आयोजकां वतीन 1×1 मीटर रांगोळी घालपाक सुवात उपलब्द करतले. हे सर्ती खातीर 5 हजार, 3 हजार आनी 2 हजार अशी तीन इनामां आनी 1 हजार रुपयांचो दोन उमेद वाडोवपी इनामां दितले. सर्तकांनी 100 रुपये क्यूआर कोडाचेर धाडून 1 डिसेंबर मेरेन सर्तींतलो आपलो सहभाग निश्चीत करचो. चडावत म्हायती खातीर विशाल (9623967566), धीरज (9158653016) हांचे कडेन संपर्क सादचो अशें आयोजकांनी कळीत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
