भांगरभूंय | प्रतिनिधी
संवसारीक वन डे क्रिकेट सर्त विक्रमी सवे खेपे जिखपी ऑस्ट्रेलियेच्या खेळगड्यांचें सेलिब्रेशनाचे फोटो वायरल जायत आसात. ऑस्ट्रेलियेचो अश्टतासांचो खेळगडो मिचेल मार्शाचो असोच एक फोटो वायरल जाला. ते उपरांत लोकांनी तिडक उक्तावपाक सुरवात जाल्या. त्या फोट्यांत ताच्या हातांत बियराची बाटली आनी संवसारीक करंडाचेर पांय दवरिल्लो दिसता.
ह्या फोटो वायरल जाल्या उपरांत क्रिकेट मोग्यांनी टिका केल्या. मार्शाची ही वागणूक चुकीची आसा. करंडा विशीं आदर दवरपाक जाय अशें क्रिकेट मोग्यांनी म्हणलां.
आयतारा जाल्ले फायनलींत ऑस्ट्रेलिया पंगडान येजमान भारताक 6 विकेटींनी हारोवन सवे खेपे संवसारीक वस्तादपण जोडलें. टॉस हारल्या उपरांत पयलीं बॅटींग करपी भारताक 50 ओव्हरींनी सगल्यो विकेटी वगडावन 240 धांवड्यां मेरेन मजल मारप शक्य जालें. मोखीचो फाटलाव करपी ऑस्ट्रेलियेची सुरवात बरी जावंक नाशिल्ली. सुरवातीक ताणें तीन विकेटी वगडायिल्ल्यो. पूण, उपरांत ट्रॅव्हिस हेड आनी मार्नस लाबुशेन हे जोडयेन ऑस्ट्रेलियेक सोंपें जैत मेळोवन दिल्लें.
हेडान 137 धांवड्यांची खेळी केली, जाल्यार लाबुशेनान 110 बॉलांनी 58 धांवड्यांची खेळी केल्ली. मिचेल मार्शाक 15 बॉलांनी 15 धांवड्यो करप शक्य जाल्ल्यो. दोन ओव्हरींनी फकत पांच धांवड्यो दिल्ल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
