भांगरभूंय | प्रतिनिधी
लंडन, खबरां संस्था ः ब्रिटनांतल्या ब्रॅडफोर्ड शारांत धा वर्सां आदीं 30 हजारां परस चड लोकांच्या भलायकेचो अभ्यास केल्या उपरांत संशोधकांनी पाकिस्तानी समाजात सुमार 60% भुरग्यांचे आवय- बापूय चुलत, मावस भाव- भयण आशिल्ल्याचें दिसून आयिल्लें. हालींच शारांतल्या एका अभ्यासा प्रमाण, हो आंकडो 46 टक्क्यां मेरेन देंवला. ह्या प्रकारच्या लग्नांतल्यान जल्मदोशांचो धोको दुपेटीन वाडला, अशें मूळ संशोधनांतल्यान दिसून आयलें. पूण हांगाच्या 6% भुरग्यांचेर अशा नात्यांचो परिणाम जाता. बॉर्न इन ब्रॅडफोर्ड अभ्यासांत मुखेलपणान 2007 ते 2010 ह्या काळांत 12,453 गुरवार बायलांचो आस्पाव आशिल्लो. ह्या सगळ्यांचीं भुरगीं ह्या प्रकल्पांत वांटेकार जाल्ली. 2016 ते 2019 ह्या काळांत आनीक 2,378 आवयांचो ह्या अभ्यासांत आस्पाव केल्लो.
दोनूय प्रकरणांत पाकिस्तानी मूळच्या आवयांची संख्या वट्ट सुमार 60% आशिल्ली. मूळ गटांत ह्या बायलां मदल्या 62% बायलांचें लग्न चुलत वा चुलत- चुलत भावा कडेन जाल्लें. दुसरे वटेन दुसऱ्या गटांत हो आंकडो 46 टक्क्यांनी देंवलो. ब्रिटीशांत जल्मल्ल्या बायलांच्या उपसमूहांत हो देंवती कळाव 60% ते 36% जालो. शिकिल्ल्या लोकांमदीं हें प्रमाण पयल्या अभ्यासांतल्या सरासरी परस 46% उणें आशिल्लें. आतां तें 38% मेरेन देंवलां. बॉर्न इन ब्रॅडफोर्ड संशोधन प्रकल्पांचे मुखेल अधिकारी डॉ. जॉन राइट हांणे म्हणलें फकत एक दशका परस उण्या काळांत पाकिस्तानान चुलत भाव- भयणींच्या लग्नांत म्हत्वाचो बदल केला.
बरें शिक्षण, मेकळेपणान उलोवप हें बदलाचें कारण
तज्ञांच्या मतान, ह्या बदला फाटली कारणां म्हळ्यार बरे शिक्षण, भुरग्यांच्या जल्मजात विसंगतींच्या धोक्याची जाणविकाय, पालक आनी भुरग्यां मदीं लग्ना विशीं मेकळेपणान उलोवप आनी ब्रिटनाच्या इमिग्रेशन नेमांत जाल्लो बदल.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
