भांगरभूंय | प्रतिनिधी
भांगरभूंय । प्रतिनिधी
माशेलः तारीवाडो- माशेल हांगच्या साईकला मंडळाचो 31वो वर्सुकी दीस व्हडा उमेदीन मनयलो. ह्या वेळार भांगरा पदक जैतिवंत कलाकार गोविंदराज तारीचो पंच वांगडी सिद्धार्थ गाड हाणे शाल. श्रीफळ आनी यादस्तीक भटोवन भोवमान केलो. ह्या वेळार साईकला मंडळाचो अध्यक्ष नामदेव तारी मायचेर आशिल्लो.
साईकला मंडळान 2001 वर्सा भौशीक गणेशोत्सवांत नाल्लांचो गणपती देखावो करून देखाव्यांची परंपरा माशेल, कुमारजुवें वाठारांत सुरवात केली. वेगवेगळे गणेश देखावे करून भाविकांक तारीवाडो माशेल हांगा ओडून हाडलें अशें सिदार्थ गाड हाणे सांगलें. गोविंदराज तारीन दिवली पेटोवन वर्सुकी दीस कार्यावळीचें उक्तावण केलें. राजेश फडते, विवेक हळर्णकार, दत्ता चोडणकार हांणी मानेस्तांक येवकार दिलो. कलेच्या मळार साईकला मंडळाच्या वर्सुकी दिसा म्हजो जो भोवमान केलो तो म्हजे खातीर भांगराचो खीण आसा. म्हजे शालेय जिणेत तारीवाडो- माशेलच्या गणेश देखाव्याची कीर्त आपणे आयकल्ली. साईकला मंडळान लोकांक गणेश देखावे पळोवन तयार केलें अशें गोविंदराज हाणे सांगलें. कार्यावळीचें सूत्रसंचालन समीर तारीन केलें आनी मानेस्ताची ताणेच वळख करून दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
