भांगरभूंय | प्रतिनिधी
पणजी, प्रतिनिधी : दिवाळे निमतान गोंयचे आर्चबिशप- पॅट्रिआर्क फिलीप नेरी फेर्रांव हांणी समेस्त गोंयकारांक, खास करून हिंदू भावां- भयणांक संदेश दिला.
दिवाळी, ह्या उजवाडाच्या उत्सवाची आमच्या सगळ्या हिंदू भावांक हांव परबीं धाडटां. तांच्या घरांत आनी समाजांत आनंद, खोस भरची अशीं इत्सा परगटायतां. ह्या उत्सवांतल्यान उजवाडान वायटाचेर जैत मेळयल्या उपरांत समरसताय आनी शांतताय पातळटा. एकचार वाडटा. हो उत्सव आमकां होच उजवाड फुडल्या पिळग्यांक पावोवपाक प्रेरीत करूं, जाका लागून आमचो समाज मोगान, सत्यान, समरसतायेन आनी स्वातंत्र्यान उजवाडान चकचकीत जावचो, अशें तांणी मुखार म्हणलां. डायोसेसन सेंटर फॉर सोशल कम्युनिकेशन्स मिडिया (डीसीएससीएम) हांणी हो संदेश प्रसृत केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
