भांगरभूंय | प्रतिनिधी
ब्लड कॅन्सर, जाकाहेमॅटोलॉजीक कॅन्सरूय म्हणटात. हें दुयेंस रगत, बोनमॅरो आनी लिंफोमा प्रणालीचेर परिणाम करपाक शकता. तातूंत ल्युकेमिया, लिंफोमा, मायलोमा अश्या विंगड विंगड तरांचो आसपाव आसा.
अहमदाबादांतले डाॅ. अर्पण मेहता हांणी ह्या दुयेंसाचीं लक्षणां सुरवातीच्या काळांत वळखप आव्हानात्मक जरी आसलें तरी वेळार उपचार करपाक शिटकावणी दिवपी चिन्नां लक्षांत घेवन रोखडीच वैजकी मदत घेवप म्हत्वाचें, अशें सांगलें.
कारण नासतना थकप
सदांच कारण नासतना थकप हें रगताच्या कॅन्सराचें लक्षण आसूं येता. कॅन्सराक लागून निरोगी रगत पेशींच्या उत्पादनांत आडमेळीं येतात आनी ताका लागून दुबळेपण आनी मनीस थकता. रोगप्रतिकार शक्त दुबळी जावप हें ल्युकेमियाचें म्हत्वाचें लक्षण. ताका लागून मनीस परत परत बरो ना जाता आनी ताका उपचार करपाक कठीण अशे संसर्ग जातात. अचकीत वजन उणें जावप हें रगताच्या कॅन्सरा सयत जायत्या प्रकारच्या कॅन्सराचें लक्षण आसूं येता. अशें जाता कारण कुडीची उर्जा ह्या रोगा आड झुजपाक वता.
सुजिल्ल्यो लिम्फ नोड्स
लिम्फ नोड्स सुजतात. खासा करून मान, कुशींनी वा मांडयांनी गांठ येवप हें लिंफोमाचें लक्षण आसूं येता. रगताच्या कॅन्सराचो एक प्रकार. सोंपेंपणान फोड येवप, नाकांतल्यान रगत येवप वा ल्हान ल्हान जखमी जाल्ल्यान चड काळ रगत येवप हें कांय रगताच्या कॅन्सरा कडेन संबंदीत आशिल्ल्यान प्लेटलेटांचें प्रमाण उणें जाता. रगताच्या कॅन्सराचो बोनमॅरोचेर परिणाम जावं येता. हाडां दुखपाक वा फ्रॅक्चर जावपाक शकतात. रातच्या घामा वांगडा अस्पश्ट जोर येवप हें लिंफोमा सयत कांय रगताच्या कॅन्सराचें लक्षण आसूं येता.
निदान आनी चांचण्यो
रगताच्या कॅन्सराचेर येसस्वी उपचार करपा खातीर सुरवेक निदान करप गरजेचें आसता. हीं लक्षणां दिसल्यार दोतोराचो सल्लो घेवप म्हत्वाचें. रगताच्या कॅन्सराचो चड करून नेमान रगत तपासपा वयल्यान दिसून येता. रगताच्या आंकड्यांत विसंगती जाल्ल्यान एक समस्या आशिल्ल्याचें दाखयता. ताका लागून फुडली चवकशी करची पडटा. बोनमॅरो स्पीरेशन आनी बायोप्सींत बोनमॅरोच्या नमुन्याची तपासणी करता. ताका लागून रगताच्या कॅन्सराचो प्रकार आनी स्टेज लक्षांत येता.
इमेजिंग स्कॅन
सीटी स्कॅन, एमआरआय वा पीईटी अशो प्रतिमा चांचण्यो केल्यार दुयेंसाची व्याप्ती आनी खंयचे लसीका ग्रंथी वा अवयव सुजल्यात हें थारावपाक मदत जाता. सुजिल्ल्या लसीका ग्रंथींचो बायोप्सी करून तातूंत कॅन्सराच्यो पेशी आसात काय ना तें पळोवंक मेळटा. ल्युकेमिया ह्या सारक्या कांय रगताच्या कॅन्सरांत गुणसुत्रांतली विकृती आसता आनी ताचो परिणाम जावं येता. उपचार पर्याय थारावपाक आनुवंशिक चांचणी फायद्याची. स्टेजिंगांतल्यान कॅन्सर कितलो पयस पातळ्ळा तें थारता, जें उपचार निर्णयांत मदत करता.
कॅन्सर बेगीन लक्षांत येवपाचे फायदे
डॉ. अर्पण मेहता म्हणटा, रगताचो कॅन्सर जाल्ल्याचें जितले बेगीन कळटा तितलें बरें. सुरवातेच्या टप्प्यांत केल्ल्या उपचारांचो बरो परिणाम जाता. उपचारांत केमोथेरपी, रेडिएशन थेरपी, स्टेम सेल प्रत्यारोपण वा लक्ष्यीत उपचारांचो आसपाव आसपाक शकता.
रगताच्या कॅन्सराची सुरवातीची शिटकावणी दिवपी लक्षणां कळ्ळ्यार उपचाराच्या परिणामांत म्हत्वाचो फरक पडूं येता. अशा दुयेंसांक तोंड दिवपाक नेमान तपासणी आनी दोतोरां कडेन उक्तो संवाद सादप खूब म्हत्वाचें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
