भांगरभूंय | प्रतिनिधी
केरी सत्तरी: पर्यें सत्तरीच्या श्रीभुमिका शिक्षण संस्थे वतीन ‘भुमिका दीस’ दबाज्यान मनयलो. हे कार्यावळी खाला संस्थे वतीन चलोवपी प्राथमीक, माध्यमीक आनी उच्च माध्यमीक विद्यालयांतल्या गुणेस्त विद्यार्थ्यांचो आनी गोंय शालांत मंडळाचे परिक्षेंत विवीध फांट्यांनी पयलो क्रमांक घेतिल्ल्या विद्यार्थ्यांचो आनी तांकां मार्गदर्शन करपी शिक्षकांचो भोवमान केलो.
ह्या वेळार माचयेर संस्थेचे अध्यक्ष प्रतापसिंह राणे, माध्यमीक विद्यालयाच्यो अध्यक्षा विजयादेवी राणे, वेवस्थापक शिवाजीराव राणे सरदेसाय, सचीव कुष्ठा राणे, जोड सजीव अॅड. काशिनाथ म्हाळशेकार, उच्च माध्यमीक विद्यालयाचे प्राचार्य यशवंत सावंत, उपप्राचार्य रावसाहेब राणे, हायस्कुलाचे मुख्याध्यापक दिवाकर पोसनायक, प्राथमीक विद्यालयाचे मुख्याध्यापक गोविंद वळवयकार तशेंच हेर वांगडी शंकर च्यारी, लक्ष्मण च्यारी आनी नीता गांवकार बी मानेस्त हाजीर आशिल्ले.
कार्यावळीची सुरवात विद्यालयीन शिक्षकांच्या येवकार गितान जाली. दिवाकर पोसनायक हांणी येवकार दिलो. उपरांत उच्च माध्यमिकाच्या विद्यार्थ्यां मदीं वेदा बापट, सिंथिया गावडे, भुमिका राजकुमार, स्नेहीत पानीकार, कायतान ब्रागांझा आनी प्रणया देसाय हांचो भोवमान केलो. धावीचे परिक्षेंत विद्यालयांत पयलो आयिल्ल्या कौशल्य माजीक हाचो भोवमान केलो. प्राथमीक विद्यालयांत यत्ता चौथेंत पयले तीन क्रमांक फावो जाल्ल्यो विद्यार्थिनी आर्तिका प्रकाश राणे, सृष्टी गांवस आनी तनुजा देसाय हांचोय भोवमान केलो.
उच्च माध्यमीक विद्यालयीन शिक्षकां मदीं उपप्राचार्य रावसाहेब राणे, रत्नदीप वेरेंकार, डॉ. श्रीप्रसाद केरकार, वर्षा नायक, सना गांवस, हेमंती परब, प्रीती मडकयकार, नितीन नायक, संदेश सावंत आनी मनीषा गांवस हांचो भोवमान केलो.
माध्यमीक विद्यालयीन शिक्षकां मदीं मंगला कोरगांवकार, उत्तम राणे, वेदश्री पित्रे, संजय गांवस, रामनाथ सडेकार, मेघना केसरकार, आनंद गांवकार, प्रदीप परब, भारत हुमाणे, प्रशांती पोपकार हांचो भोवमान केलो. जाल्यार प्राथमीक विद्यालयाच्यो शिक्षिका काव्या कमलाकांत सांवड्डेंकार हांचो भोवमान केलो. तशेंच उच्च माध्यमीक विद्यालयीन शालांत परिक्षेंत 100 टक्के निकाल मेळयिल्ल्या विवीध विशयांतल्या शिक्षकांचो प्रमाणपत्र दिवन भोवमान केलो.
ह्या वेळार उलयतना विजयादेवी राणे हांणी म्हणलें, दरेक विद्यार्थ्यांच्या यशा फाटल्यान पालक आनी शिक्षकांचें योगदान आसता. विद्यार्थ्यांनी आपले ध्येय साध्य करपा खातीर यत्न करूंक जाय.
प्रतापसिंह राणे हांणी म्हणलें, दरेक विद्यार्थ्यान समाजांत एक आदर्श नागरीक म्हणून जगूंक जाय. तशेंच आपले बौद्धीक कुशळटायेचो वापर करचो. तेच बरोबर उत्कृश्टताय हें विद्यार्थी आनी शिक्षकांची मोख आसची.
कार्यावळीचे सुत्रसंचालन उच्च माध्यमीक विद्यालयाचे शिक्षक आनंद परुळेकार हांणी केलें जाल्यार माध्यमीक विद्यालयाचे शिक्षक प्रवीण नायक हांणी उपकार मानले. राष्ट्रगीतान कार्यावळीची सांगता जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
