भांगरभूंय | प्रतिनिधी
भांगरभूंय । प्रतिनिधी
मुरगांवः हेडलँड सडा हांगच्या दीप विहार हायस्कूलान आयोजीत केल्ल्या मुरगांव तालुको आंतर शालेय एकोडे गायन सर्तींत सडा हांगच्या मुरगांव हायस्कुलाच्याच्या दिपांजली पेडणेकार हिणे पयलें इनाम मेळयलें.
शारदोत्सवा निमतान ही भक्तीगीत आनी भावगीत सर्त आयोजीत केल्ली. 13 शाळांतल्या 21 विद्यार्थ्यांनी तातूंत वांटो घेतिल्लो. सर्तीक दीप विहाराची मुख्याध्यापिका बिना शेट्ये, पालवी मुख्याध्यापक उदय देसाय हांणी दिवली पेटोवन सुरवात केली.
सर्तीचो निकाल फुडले भशेन- पयलें इनाम – दिपांजली पेडणेकार (मुरगाव हायस्कूल – सडा), दुसरें इनाम- रिया गडेकार (नेव्ही चिल्ड्रन स्कूल), तिसरें इनाम – रश्मी शेट्टी (विद्या मंदिर हायस्कूल), उमेद वाडोवपी इनामां – रिद्धी बांदिवडेकार (केशव स्मृती हायस्कूल), समिधा गांवस (मुन्सिपल हायस्कूल). सर्तकांक रुपला डिचोलकार, श्रीपाद साटेलकार (हार्मोनियम), रोहीत बांदोडकार (तबलें), हाणी साथ संगत केली. सर्तीचें परीक्षण बिंदिंया वस्त नायक आनी गोकुळदास रासयकार हांणी केलें. स्पर्तीचें सूत्रनिवेदन भूतनाथ वेळीप हाणे केलेआनी नारायण पेंडसे हाणे उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
