भांगरभूंय | प्रतिनिधी
नवी दिल्ली, खबरां संस्था : बार कावन्सील ऑफ इंडिया (बीसीआय) परतून एक फावट एआयबीई परिक्षेची तारीख बदल्ल्या. २६ नोव्हेंबर २०२३ दिसा आशिल्ली अखील भारतीय बार परिक्षा आतां ३ डिसेंबर दिसा जातली. पूण, बीसीआयन फकत परिक्षेची तारीखूच न्हय, तर नोंदणीची निमाणी तारीखूय बदल्ल्या.
अखील भारतीय बार परिक्षा पयली (१८) खातीर नोंदणी करपाची निमाणी तारीख १० नोव्हेंबर मेरेन वाडयल्या. हाचे संबंदीत चड म्हायती खातीर उमेदवारांनी allindiabarexamination.com हे वेबसायटीक भेट दिवची.
ऑनलायन अर्ज करपाची निमाणी तारीक १० नोव्हेंबर आसा. हाचे उपरांत उमेदवारांक ११ नोव्हेंबर मेरेन अर्ज शुल्क भरपाची संद दितले. १२ नोव्हेंबर मेरेन अर्जांत दुरुस्ती करपाक मेळटली. उपरांत २५ नोव्हेंबर दिसा प्रवेश कार्ड जारी जातलें. उमेदवारांक ३० नोव्हेंबर मेरेन प्रवेश कार्ड डावनलोड करपाक मेळटलें.
कार्ड कशें डावनलोड करप
सगळ्यांत पयलीं उमेदवारांनी allindiabarexamination.com ह्या अधिकृत संकेतथळाक भेट दिवची पडटली. उपरांत मुखेल पानाचेर नोंदणी लिंक IBE XVIII चेर क्लिक करात. फुडल्या पानाचेर नोंदणी दुव्याचेर वचात. अर्ज फॉर्मांत गरजेचो सगळो तपशील भरात. ते उपरांत अर्ज शुल्क भरचें. अर्ज केल्या उपरांत प्रिंटआवट घेयात. IBE XVIII खातीर नोंदणी करपाची इत्सा आशिल्ल्या उमेदवारांक अधिकृत संकेतथळाक भेट दिवन तपशील पळोवंक मेळटलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
