भांगरभूंय | प्रतिनिधी
मुंबय, खबरां संस्था ः रिणाचो हप्तो भरपाक चुकल्यार बँकेचो वसुली एजंट खंयच्याय वेळार फोन करून रिणाकाराक त्रास दिता. म्हणून भारतीय रिझर्व्ह बँकेन हांतूतल्यान रिणाकाराक सुटका दिवपा खातीर एक निर्णय घेतला. खंयच्याच बँकेतल्या वा संस्थेतल्या वसुली एजंटान सकाळीं 8 वरां पयलीं आनी रातच्या 7 वरां उपरांत रिणाची वसुली करपा खातीर रिणकाराक संपर्क करचो न्हय असो खर निर्णय रिझर्व्ह बँकेने घेतला.
तशेंच रिणाची वसुली करपा खातीर आरई आनी तांच्या वसुली एजंटांनी खंयचेय व्यक्तीक तोंडी वा शारिरीक मारपेटा सयत खंयच्याच तरेन धमकावचे न्हय वा त्रास दिवचो न्हय अशें रिझर्व्ह बँकेन सांगलां. ते भायर, वसुली एजंट रिणकारांक भौशीकपणान अपमानीत करूंक शकनात, तशेंच तांच्या गुप्ततायेंत हस्तक्षेप करूंक शकनात, अशेंय बँकेन म्हणलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
