भांगरभूंय | प्रतिनिधी
नवेंवाडेंच्या आश्चर्य स्पोर्टस अॅण्ड कल्चरल क्लबान केल्लें आयोजन
मुरगांव: कला आनी सांस्कृतीक संचालनालयाच्या पालवान नवेंवाडें हांगासरल्या आश्चर्य स्पोर्टस अॅण्ड कल्चरल क्लब हांणी आयोजीत केल्ल्या दुसऱ्या अखील गोंय पांवड्या वयल्या गरबा दांडिया सर्तीचें पयलें इनाम क्रिएटिव्ह ग्रुप ऑफ मुळगांव हांकां फावो जालें. जैतिवंत पंगडाक रोख 60 हजार आनी करंड मुखेल सोयरे पंचायत मंत्री मॉवीन गुदिन्हो हांचे हस्तुकीं भेटयलो.
सर्तीचें दुसरें इनाम डायनमीक आर्टस अॅण्ड एन्टरटेन्मेंट हांकां रोख 40 हजार आनी करंड, तिसरें इनाम श्रीखेतोबा कृष्णाभाय दांडिया ग्रुप हांकां रोख 30 हजार आनी करंड, पयलें उमेद वाडोवपी निर्भया भव पर्वरी हांकां रोख 15 हजार रुपया फावो जालें.
इनामां भेटवण सुवाळ्याक मानाचे सोयरे म्हूण वास्कोचे आमदार कृष्णा साळकार, मुरगांवचे आमदार संकल्प आमोणकार, कदंबा येरादारी मंडळाचे उपाध्यक्ष क्रितेश गांवकार, जिल्हो पंचायत वांगडी अनिता थोरात, चिखलीचे सरपंच कमला प्रसाद यादव, उपसरपंच ऐश्वर्या कोरगांवकार, पंच पुजा च्यारी, पंच सुनिता यादव, चिकोलना बोगमाळोचे सरपंच संकल्प महाले, पंच अरुण नायक, समाजसेवक ब्रम्हानंद पवार, युवा उद्देजक अमय सैल, किशन नायक, मरींडा मेस्ता, कल्पना हरमलकार, मुरगांवचे नगरसेवक विनोद किनळेकार, आदले नगरसेवक श्रीधर म्हाड्डोळकार, दाबोळी भाजप गटाध्यक्ष संदीप सूद, प्रकाश गांवस, क्लबाचे अध्यक्ष रोहन देसाय, सचीव ओमकार तेंडुलकार, भांडारी नितीन गावडे, अजय सावंत, दिशांत परब आनी हेर पदाधिकारी हाजीर आशिल्ले.
गरबा दांडिया सर्तीच्या निमाणें फेरयेचें परिक्षण लाडू परवार, तन्वी गावडे, महेश गोवेकार, सुमित्रा नायक हांणी केलें. सर्तींत वट्ट 14 पंगडांनी वांटो घेतिल्लो. ही सर्त 15 ऑक्टोबर ते 24 ऑक्टोबर मेरेन वाडेंनगर सरकारी मुळावे शाळेच्या प्रांगणांत आयोजीत केल्ली.
पुराय सर्तीचें सुत्रसंचालन आनी उपकार ब्रह्मानंद पवार हांणी केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
