भांगरभूंय | प्रतिनिधी
अलाहाबाद, खबरां संस्था ः लिव्ह इन रिलेशनशिप संबंदी अलाहाबाद उच्च न्यायालयान म्हत्वाचें भाश्य केलां. एका आंतरधर्मीय जोडप्यान पुलीस संरक्षण मागिल्लें. ही याचिका न्हयकारून न्यायालयान लिव्ह इन रिलेशनशिप ‘अस्थीर’ आनी ‘टायमपास’ नातें आसा अशें म्हणलें.
सर्वोच्च न्यायालयान लिव्ह इन रिलेशनशिपाक मान्यताय दिल्या तरी अशे संबंद प्रामाणीकपणांतल्यान न्हय तर परस्पर आकर्शणाक लागून तयार जातात अशें सर्वोच्च न्यायालयान सांगलें. तशेंच अशे संबंद खूब नाजूक आनी अस्थीर आसतात, उच्च न्यायालयान लिव्ह इन रिलेशनशिपाचेर तिडक उक्तायल्या.
न्यायाधीश राहुल चतुर्वेदी आनी न्यायाधीश मोहम्मद अजहर हुसैन इदरीसी हांच्या खंडपिठान सांगलें, दोन म्हयन्यांच्या वळखींतल्यान 20- 22 वर्सां पिरायेच्या तरणाटे अश्या अस्थिर नात्यां विशीं विचार करुंक शकतात हें न्यायालय मान्य करूंक शकना. जिणेंत समस्या आनी संघर्श येतात.
नेमके प्रकरण कितें?
उत्तर प्रदेशांतल्या मथुरा जिल्ह्यांतल्या रिफायनरी ठाणे वाठारांतली 22 वर्सां पिरायेची हिंदू चली घर सोडून मुसलमान तरणाट्या वांगडा लिव्ह इन रिलेशनशिपांत रावपाक लागली. मुसलमान तरणाट्यान आमचे चलयेचें अपहरण केलां अशी कागाळ चलयेच्या आवय- बापायन पुलिशेंत केली. देखून ही कागाळ रद्द करपाच्या हेतान ह्या जोडप्यान अलाहाबाद उच्च न्यायालयांत संपर्क सादलो. म्हज्या कुटुंबा कडल्यान आमच्या जीवाक धोको आसा, देखून आमकां पुलिसांची राखण जाय अशें चलयेन याचिकेंत सांगलें. तशेंच चलयेच्या वकिलान न्यायालयांत सांगलें, चलयेक जाणविकाय आसा आनी तिच्या जोडीदाराच्या निवडी संबंदी निर्णय घेवंक शकता. पूण अलाहाबाद उच्च न्यायालयान ही याचिका न्हयकारल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
