भांगरभूंय | प्रतिनिधी
भांगरभूंय । खेळां मेज
पणजीः गोंय बॅडमिंटन असोसिएशनान (जीबीए) 37व्या राष्ट्रीय खेळां सर्ती खातीर तीन खेळगड्यांक पंगडांत घेतलें ना हे विशीं खुलासो केला. फाटल्या कांय दिसां सावन जीबीएचेर खेळगड्यांक भायर दवोरले खातीर टिका जाता. जीबीएचेर गोंयां भायल्या खेळगड्यांक पंगडांत घेवप, चुकीची निवड प्रक्रिया आनी थळाव्या खेळगड्यां कडेन आडनदर केल्ले खातीर आरोप जातात. मात असोसिएशनांत तातूंत कांय तथ्य ना अशें सांगलां.
फाटल्या मार्च म्हयन्यांत गोंय खेळां प्राधिकरणाचे बसकेंत गोंयच्या खेळगड्यांचे वतीन पंगडांत गोंयांतले 70 टक्के आनी 30 टक्के भायले खेळगड्यांक पंगडात घेवपाचे एकमतान थारायल्लें. ताणे गोंयांतल्या खेळगड्यांक संद दिवप आनी खेळांत मजबूत वा लक्षणीय कामगिरी करप हातूंत संतुळा साधप व्हो उद्देश आशिल्लो. मुख्यमंत्री आनी खेळां मंत्री हांच्या फुडारपणा खाला जीएसएजी ही सर्वसादारण बसका जाल्ली.
भायल्या खेळगड्यांचो गोंयच्या पंगडात आसपाव करपाचो निर्णय गोंय खेळां प्राधिकरणाच्या मार्गदर्शक तत्वां प्रमाण आसा आनी तो नवीन न्हय. गोंयच्या पंगडाक सर्तीत बरी कामगिरी करपाक मेळची हे खातीर गोयांत हाचे पयलीं लुसोफोनिया खेळांत व्होच दिश्टिकोण आपणायल्लो. मुंबय उच्च न्यायालयाच्या गोंय खंडपिठान सरकाराच्या ह्या धोरणाक मान्यताय दिल्ली
जीबीएन स्पश्ट केलां की भायले खेळगडे तशेंच गोंयांतले काय खेळगडे जशें अनुरा प्रभुदेसाय आनी प्रांजल चिमुलकार हाणी गोंय वा भायल्या अकदामींत परत राष्ट्रीय खेळां खातीर एसएजी धोरण आनी मार्गदर्शक तत्वां प्रमाण प्रशिक्षण घेतलां. अशे तरेन भायल्या खेळगड्यांक प्रशिक्ष दिनात. आमदार कार्लुस फेरेरा हांणी भायल्या खेळगड्यांक गोंयच्या बॅडमिंटन पंगडात घेतिल्ले संबंदात मुख्यमंत्री डॉ सावंत हांची भेट घेतल्ली. जीबीएत चलल्ल्या गैरवेव्हाराची चवकशी करपाची मागणी ताणे केल्ली. ताका लागून जीबीएन आपली बाजू मांडल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
