भांगरभूंय | प्रतिनिधी
नेमांक पाळो दिवंक नाशिल्ल्याचें कारण
न्यूयाॅर्क, खबरां संस्था : लाखांनी लोक युट्युब व्हिडियो करून पयशे जोडटात, पूण खंयच्याय वापरप्यान युट्युबाच्या नेमांचें उल्लंघन केल्यार गुगल तें सोंसना. मजगतीं, गुगन नेमांचें उल्लंघन करपी खातीं आनी व्हिडियो प्लॅटफॉम वयल्यान काडून उडयता.
हालींच मायक्रोब्लॉगिंग प्लॅटफॉर्म एक्साचेर (ट्विटर) केल्ल्या पोस्टांत गुगलान एप्रिल ते जून 2023 ह्या फकत तीन म्हयन्यांत 20 लाखां परस चड व्हिडियो काडून उडयल्यात अशी म्हायती दिल्या. तुमी युट्युबा खातीर व्हिडियो तयार करतात जाल्यार हाचे मुखार चड सादूर रावपाची गरज आसा
अंदूं जानेवारी ते मार्च 2023 ह्या काळांत युट्युब नेमांचें उल्लंघन केल्ल्यान 19 लाखां परस चड युट्युब व्हिडियो काडून उडयले. ह्याच काळांत नेमाचें उल्लंघन केल्ल्यान संवसारीक पांवड्यार 6 लाख 48 हजारां वयर व्हिडियो काडून उडयले.
तुमचेय बाबतींत लेगीत अशें जावंक शकता म्हणून YouTube व्हिडियो तयार करतना आनी अपलोड करतना YouTube चें नेम याद दवरात.
गुगल फकत आपल्या धोरणांचें उल्लंघन केल्ल्यान YouTube वयल्यान व्हिडियो काडपाचें काम करीना, पूण संवसारभर नेटान वाडपी गुन्यांव उणे करपाचोय हेतू आसा. लोकांचें गुन्यांवकारांच्या भानगडीं पसून राखण करपा खातीर गुगल जायतीं व्हड पावलां उबारता.
गुगल पे वरवीं एका वर्सात सुमार 12 हजार कोटी रुपयाच्या भानगडी बंद केल्यात असो दावो दुसऱ्या पोस्टांत केला. आमी रोखडेंच लोकांक दुबावीत वेव्हारा विशीं अलर्ट धाडले, जाका लागून फटवणूक थांबवपाक मजत जाली अशें गुगलान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
