भांगरभूंय | प्रतिनिधी
ऑक्टोबर सोंपपाक पावलां तशें हवामानांतय बदल जावपाक लागला. आतां तापमान पयलीं परस उणें आशिल्ल्यान थंडी ल्हव ल्हव वाडत आसा. पूण, जायते जाणांक ह्या बदलत्या हवामानाचो त्रास जाता आनी ते दुयेंत पडटात. पूण ज्या मनशांची रोगप्रतिकार शक्त पयलींच दुबळी आसता तांकां अशें चड जाता.
कांय जाण थंडी जावची न्हय म्हणून गरम उदक पियेवंक लागतात. गरम उदकाक लागून थंडी आनी खोंकली उणी जाता आनी बेगीन बरे जावपाक मजत जाता अशें मानतात. पूण गरम उदका विशीं आमी जें आयकलां तें खरें आसा?
‘मेडिकल न्यूज टुडे’ ह्या दिसाळ्यांत उजवाडाक आयिल्ल्या अहवाला प्रमाण, हुळहुळीत उदक भलायके खातीर फायदेशीर आसा. ज्या लोकांचे नाकांतल्या ऍलर्जीक लागून सायनस सुरू जातात, तांणी तें उदक पियेवचें. थंड हवामानांत गरम उदक पियेवपाचो परिणाम उणो जाता. थंडी- खोंकली जाल्यार नाक बंद जाता, गळो दुखता आनी खोंकली येता आनी कफ तयार जाता. हातूंत गरम उदकूय फायद्याचें आसा. पूण कफाची समस्या आसल्यार हुळहुळीत उदक पियेवचें.
गरम उदक फकत थंडी आडायता अशें ना, पूण कुडीक विषमुक्त करपाकय उपेगी पडटा. जिणे पद्दतीक लागून आनी आहारांतल्या व्यत्ययाक लागून कुडींतल्यान विखारी पदार्थ काडून उडोवपा खातीर कुडीचें विषमुक्तीकरण करप गरजेचें आसता. गरम उदक पियेल्यार सैमीक रितीन कुडीक डिटॉक्स जाता अशें भलायकी तज्ञांचें मत आसा.
गरम उदक पियेल्यार कुडीची पचन क्रियी वेवस्थीत उरता, कुडींतलें अन्नाचे पचन जाता. गरम उदक पियेल्यार पोटाक लागून जावपी समस्या उणी जाता. हाचे वांगडाच हुळहुळीत म्हणजे कोमट उदकाक लागून रगत घोळप बरे जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
