भांगरभूंय | प्रतिनिधी
नवी दिल्ली, खबरां संस्था ः प्रधानमंत्री नरेंद्र मोदी हांणी मंगळारा इस्रोच्या शास्त्रज्ञां कडेन बसका घेतली. तातूंत 21 ऑक्टोबर दिसा भारताच्या पयल्या मनशाच्या अंतरिक्ष उड्डाण मोहिमेंतल्या ‘गगनयान’ क्रू एस्केप सिस्टमच्या चाचणीच्या तयारी विशीं म्हायती दिली.
ह्या वेळार इस्रोन 2035 मेरेन अंतराळ केंद्र उबारपाचें आनी 2040 मेरेन भारतीय अंतराळवीराक चंद्राचेर धाडपाचें उद्दिश्ट दवरचें, अशें आवाहन प्रधानमंत्री मोदी हांणी केले.
इस्रोचे मुखेली एस. सोमनाथ हांणी प्रधानमंत्र्याक गगनयान मिशनाचे उदरगती विशीं म्हायती दिली. ह्या मिशनाचे तयारेचो एक भाग म्हणून इस्रो 21 ऑक्टोबराक पयलेच खेपे अंतराळवीर बचाव यंत्रणा आनी हेर उपक्रमांचे प्रात्यक्षीक दाखयतलें.
गगनयान मिशन खाला इस्रो फुडल्या वर्साचे सुरवेक गगनयान मिशनाच्या पयल्या मनीसबळ नाशिल्ल्या मिशनाची येवजण आंखल्या. मनीसबळ नाशिल्ल्या मिशनाच्या येसा उपरांत मनीसबळ मिशन येतलें, तातूंत मनीस अंतरिक्षांत वतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
