भांगरभूंय | प्रतिनिधी
वॉशिंग्टन, खबरां संस्था: भारताचे राज्यघटनेचे निर्माते डॉ. भीमराव आंबेडकर हांच्या १९ फुट उंच पुतळ्याचें वॉशिंग्टनांत अनावरण जालें. भारता भायर हो तांचो सगळ्यांत व्हड पुतळो जावन आसा. मेरीलँड, वॉशिंग्टन हांगा जाल्ल्या ह्या पुतळ्याचे उक्तावण कार्यावळीक भारतांतले सुमार ५०० परस चड लोक हाजीर आशिल्ले.
भारतीयांनी ह्या वेळार ‘जय भीम’च्यो घोशणा दिल्यो. कार्यावळींत वांटो घेवपाक लोकांनी पावसांत १० वरांचो प्रवास केलो. आंबेडकरांचो पुतळो शिल्पकार राम सुतार हांणी तयार केला. हाचे पयलीं तांणी ‘स्टॅच्यू ऑफ युनिटी’ हो संवसारांतलो सगळ्यांत व्हड पुतळोय उबारिल्लो. सरदार पटेल हांचो पुतळो गुजराताक आसा.
आंबेडकरांच्या पुतळ्याच्या अनावरणा वेळार प्रधानमंत्री मोदी हांणी संदेश दिला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
