भांगरभूंय | प्रतिनिधी
हालींच दुखापतींतल्यान पुर्ण बरो जावन येवपी न्युझिलॅण्ड क्रिकेट पंगडाचो मुखेली केन विलियम्सन परतून जखमी जालो. आतां तो सुमार एक म्हयनो पंगडांतल्यान भायर उरुये.
बांगलादेशा आडचे मॅचींत बॅटींग करतना ताचो दावो आखाणो मोडलो. ताचे सुवातेर कव्हराच्या रुपान विकेटकीपर-बॅट्समन टॉम ब्लंडेलाक आपयला.
अंदूंचे आयपीएलांत खेळटना जाल्ले दुखापतींतल्यान पुर्ण बरो जावन विलियम्सन संवसारीक सर्तींत खेळपाक सज्ज आशिल्लो. पूण, तो परतून जखमी जालो. बांगलादेशा आड रिटायर्ड हर्ट जावचे पयलीं ताणें 81 बॉलांनी 78 धांवड्यांनी खेळी केल्ली.
विलियम्सन तंदुरुस्त जातलो अशी आस्त आसा आनी रावण्ड रॉबिन टप्प्यांतल्यो अखेरच्यो कांय मॅची खेळटलो अशी आस्त प्रशिक्षक गॅरी स्टेडान उक्तायली.
मार्च म्हयन्यांत आयपीएलांत गुजरात टायटन्सा वतीन खेळटना ताच्या भुजाक दुखापत जाल्ली. तातूंतल्यान बरो जावपाक ताका आठ म्हयने लागले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
