भांगरभूंय | प्रतिनिधी
सध्या डेंग्यूच्या दुयेतींचो आंकडो वाडतूच चल्ला. हालींसराक राज्यांत तशेंच देशाच्या विंगड- विंगड वाठारांनी डेंग्यूच्यो केसी वाडत चल्ल्यात. डेंग्यू हें एक गंभीर दुयेंस. तें जळार चाबल्यार जाता आनी उपरांत सगळ्याक पातळटा. डेंग्यूक लागून शरिरांत प्लेटलेट्स उण्यो जातात. प्लेटलेट्स देंविल्ल्यान हिमोग्लोबिनूय देंवपाची शक्यताय आसता.
डेंग्यू हें दुयेंस जाल्ल्यानी पोपायेचीं पानां खावचीं असो सल्लो खुबशे जाण दितात. पूण ह्या दाव्यांक कांय शास्त्रीय आदार आसा काय?
हालींच जाल्ल्या एका अभ्यासांत अशें कळ्ळां, पोपायेच्या पानांचो वापर डेंग्यूचो जोर उणो करपाक फायद्याचो थारता. संशोधकांनी हो अभ्यास एका 45 पिरायेच्या दुयेंतीचेर केलो. दुयेतींक पांच दीस सकाळीं आनी सांजवेळार पोपायेच्या पानांचो रोस दिलो. उपचारा आदीं दुयेतींच्या रगत तपासणे उपरांत प्लेटलेट्स, धव्यो रक्त पेशी आनी न्युट्रोफिल्साचो आंकडो उणो मेळ्ळो. पूण पांच दीस पोपायेचो रोस दिले उपरांत दुयेंतीच्यो प्लेटलेट्स वाडल्यो. पोपायचीं पानां डेंग्यू खातीर फायद्याचीं अशें संशोधकांचें म्हणणें आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
